काठमाडौंमा आज राति १० बजेसम्म कर्फ्यु

काठमाडौं- राजावादी समूहले अराजक प्रदर्शन गरेपछि काठमाडौंमा कर्फ्यु लगाइएको छ।

जिल्ला प्रशासन कार्यालय काठमाडौंले आज अपरान्ह ४:२५ बजेपछि राति १० बजेसम्म कर्फ्यु आदेश जारी गरेको छ।

प्रदर्शनकारीहरूले निजी घर, गाडी, मिडिया हाउस र दलका कार्यालयमा आक्रमण गरेपछि स्थिति नियन्त्रणमा लिन कर्फ्यु जारी गरिएको हो।

कर्फ्यु लगाइएको क्षेत्रभित्र कसैले आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न पाउने छैन।

कर्फ्यु लगाइएको क्षेत्र
• गौशालादेखि एयरपोर्ट, गैरीधारा, तीनकुने हुँदै कोटेश्वर
• कोटेश्वरदेखि जडिबुटी पुल
• कोटेश्वरबाट बालकुमारी पुलसम्म
• बानेश्वर चोकदेखि शंखमूल पुलसम्म
• गौशाला चोकदेखि पुरानो बानेश्वर हुँदै नयाँ बानेश्वर चोकसम्म