मलेसियाले दियो नेपाललाई ६२ रनको सामान्य लक्ष्य

काठमाडौं- थाइल्याण्डमा जारी महिला टी-२० स्म्यास क्रिकेटमा मलेसियाले नेपाललाई ६२ रनको सामान्य लक्ष्य सुम्पेको छ । टस जितेर पहिले ब्याटिङ गर्ने निर्णय गरेको मलेसियाले १९.३ ओभरमा सबै विकेट गुमाउँदै मात्र ६१ रन बनाउन सक्यो ।

मलेसियाका लागि सिओ जीन यीले १२, युश्रीना याकोपले ११ रन जोड्दा अन्य ब्याट्सम्यानले दोहोरो अंक छुन सकेनन् । मलेसियालाई सस्तैमा समेट्न नेपाली सरिता राना मगरले ४ विकेट लिईन् । 

त्यस्तै नेरी थापा, इन्दु बर्मा र कविता कुवरले समान एक एक विकेट लिए । प्रतियोगितमा नेपालले आफ्नो पहिलो खेलमा चीनलाई १० विकेटले पराजित गरेको थियो ।