सिरहामा बेपत्ता १३ वर्षीया खातुनको शव गाडिएको अवस्थामा भेटियो

काठमाडौं- सिरहाको गोलबजार नगरपालिका- ९ की १३ वर्षीया गुलशना खातुनको शव बोरामा बेरेर गाडिएको अवस्थामा भेटिएको छ। झाडीभित्रबाट लास कुहिएको गन्ध आएपछि स्थानीयले इलाका प्रहरी कार्यालय मिर्चैयालाई खबर गरेका थिए। खालडभित्र फेला परेको शव खातुनकै रहेको प्रहरी जनाएको छ।

गत फागुन २९ गते घरबाट निस्केकी खातुन घर नआएपछि आमा जाहेदा खातुनले इलाका प्रहरी कार्यालय मिर्चैयामा चैत १ गते खोजतलास गरिदिन भनेर निवेदन दिएकी थिइन्।

घटनाबारे थप अनुसन्धान भइरहेको प्रहरीले जनाएको छ।