श्रीमती मृत फेला, घाइते भेटिए श्रीमान्

काठमाडौं- झापामा एक महिला मृत फेला परेकी छन्। कनकाई नगरपालिका वडा नम्बर ५ मा बस्दै आइरहेकी ताप्लेजुङको सिलाम घर भएकी ४० वर्षीया मनीषा मग्राती मृत फेला परेकी हुन्।

उनका श्रीमान् ३९ वर्षीय लालबहादुर सार्की घाइते अवस्थामा भेटिएका छन्। एक युवकमाथि खुकुरी प्रहार भएको खबर सुनेर मंगलबार बिहान इलाका प्रहरी कार्यालय सुरूङ्गाबाट प्रहरी टोली खटिएको थियो। घटनास्थलमा पुग्दा मनीषा मृत फेला परेकी थिइन्।

प्रहरीका अनुसार घटनास्थलमा मनीषाको सल र घाँटीमा सलको पासोको डाम देखिएको छ। लालबहादुरको भने घाँटीमा धारिलो हतियारले चोट लागेको देखिएको छ।

लालबहादुरको अहिले बि एण्ड सी अस्पताल बिर्तामोडमा उपचार भइरहेको छ।