महिला टी-२० स्मास : नेपालको सानदार सुरुवात

काठमाडौं- नेपाली राष्ट्रिय महिला क्रिकेट टोलीले थाईल्यान्डमा आजबाट सुरु भएको महिला टी-२० स्मास क्रिकेट प्रतियोगितामा उत्कृष्ट सुरुवात गरेको छ । शनिबार भएको खेलमा नेपालले चीनलाई १० विकेटले पराजित गर्दै उत्कृष्ट सुरुवात गरेको हो । 

टस जितेर पहिलो फिल्डङ गर्ने निर्णय गरेको नेपालले चीनद्वारा ४९ रनको सामान्य लक्ष्य पाएको थियो । उक्त लक्ष्य नेपालले ८.४ ओभरमा विना विकेटको क्षतिमा पुरा गर्यो । 

नेपालको जितमा ओपरन काजल श्रेष्ठ १४ र सिता राना मगर २४ रनमा अविजित रहे । सिताले २५ बलमा ३ चौका प्रहार गर्दौ २४ रन जोडेकि थिइन् । त्यस्तै काजलले २९ बलमा १ चौका प्रहार गरेकी थिइन् ।

त्यस अघि पहिले ब्याटिङको निम्तो पाएको चीनले निर्धाति २० ओभरमा ६ विकेटको क्षतिमा ४८ रन मात्र बनाउन सक्यो । उस्का लागि झांग चानले १३, वाङ लुवान्याउ ८,हन लीली ३, ली होयो ७ रन जोडेका थिए । 

चीनलाई सस्तैमा समेट्न नेपालका लागि करुणा भण्डारीले सर्वाधिक ३ विकेट लिइन् । उनले ४ ओभरमा मात्र ९ रन खर्चेर ३ विकेट लिएकी हुन् । त्यस्तै नेरी थापाले ४ ओभरमा १ मेडन सहित ६ रन खर्चेर २ विकेट लिदाँ सिता राना मगरले १ विकेट लिइन् ।