बढ्‍यो चाकुको चटारो (फोटो फिचर)

काठमाडौं- माघे संक्रान्ति। माघी पर्व। मकर स्नान। एउटै पर्व भए पनि ठाउँ विशेषमा फरक फरक तरिकाले मनाइन्छ माघे संक्रान्ति। 

यस अवसरमा विभिन्न परिकार खाने चलन छ। चाकु, तरुल, घिउ देशमा धेरै ठाउँमा खाने गरिन्छ यो पर्वमा । अहिले उपत्यकाका विभिन्न ठाउँमा चाकु बनाउन चटारो बढेको छ। पर्वका अवसरमा व्यापार पनि फस्टाएकै छ।

माघेसंक्रान्ति नजिकिँदै जाँदा सामाखुशीमा रहेको टोखा चाखु उद्योगका कामदारहरुलाई भ्याइनभ्याई छ। सादा चाकु बाहेक खुवा चाकु, स्पेसल चाकु (बदाम, किसमिस लगायत मसला हालेर बनाइएको), सुत्केरी चाकु (सुत्केरी महिलालाई पौष्टिक तत्व हुने गरी बनाइएको) लगायत चाकुहरु बनाइन्छ

पुस-माघको जाडो मौसममा शरीरलाई न्यानो राख्ने, शरीरलाई आवश्यक पर्ने पौष्टिक तत्व प्राप्त हुने र रोग प्रतिरोधात्मक क्षमता बढाउने भएकाले चाकु सेवन गर्ने पराम्परा छ।