पाटन क्याम्पसमा विद्यार्थीहरुबीच कुटाकुट, चुनाव स्थगित

ललितपुरस्थित पाटन संयुक्त क्याम्पसमा नेविसंघ र अनेरास्ववियुका विद्यार्थीहरूबीच कुटाकुट भएको छ।

स्ववियु निर्वाचनमा फर्जी मत खसेको भन्दै एमालेनिकट अनेरास्ववियुले मतदान रोकेपछि झडप भएको हो। नेविसंघ र अनेरास्ववियुका नेताबीच कुटाकुट हुँदा केही घाइते भएका प्रहरीले जनाएको छ।

विवाद समाधान गर्न सर्वपक्षीय बैठक बसिरहेका बेला बाहिर नेविसंघ र अनेरास्ववियुका कार्यकर्ताबिच कुटाकुट भएको हो।

झडपपछि त्यहाँ मतदान स्थगित भएको छ।