नदीमा नुहाउन गएका दुई किशोरको डुबेर मृत्यु

नदीमा नुहाउन गएका दुई किशोरको डुबेर मृत्यु भएको छ।

शुक्रबार दिउँसो कैलालीको धनगढी नगरपालिका-१९ फूलबारी गाउँस्थित मोहना नदीमा नुहाउने क्रममा दुई किशोरको मृत्यु भएको हो।

मृत्यु हुनेमा स्थानीय १६ वर्षीय दिनेश ओझा र १५ वर्षीय आशिष ओझा छन्। कैलाली प्रहरीका अनुसार शुक्रबार दिउँसो तीन बजे नुहाउन भनेर आशिष र दिनेश चार जना साथीहरूसँगै गएका थिए।

१६ वर्षीय करणसिंह धामी, १५ वर्षीय आदर्श पुजाराले उनीहरू डुबेको खबर गरेपछि प्रहरी र स्थानीयले खोजी गरेका थिए। खोजी गर्दा साँझ ५ बजेर ५ मिनेटमा दिनेश ओझा र ५:२५ बजे आशिषलाई नदीबाट मृत अवस्थामा निकालिएको थियो।