रियल बेटिस र सोसिडाड गोलरहित बराबरी

एजेन्सी- बिहिबार राति भएको कोपा डेल’रेमा रियल बेटिस र रियल सोसिडाडले बराबरी खेलेका छन् । रियल बेटिसको घरेलु मैदानमा भएको खेलमा दुबै टोलीले गोल रहित बराबरी खेलेका हुन् । 

लिगको पहिलो अन्तिम १६ को खेलमा बराबरी खेल्दा दोस्रो खेलमा अघि बढ्न एक न एक टोलीले दोस्रो लिगमा जित्नै पर्ने हुनेछ । अन्तिम १६ को दोस्रो लेग रियल सोसिडाडको घरेलु मैदानमा १८ जनवरीमा हुने छ । 

दुबै टोलीले निकैनै आक्रमक खेल प्रस्तुत गरेका थिए । तर, पनि दुबै टोलीबाट कुनै गोल हुन नसक्दा खेल गोलरहित बराबरीम सकिएको हो । खेल अवधिभर रियल बेटिसले रियल सोसिडाडको पोस्टमा ६ पटक आक्रमक गरेको थियो  ।

यता रियल सोसिडाडले रियल बेटिसको पोस्टमा तीन पटक प्रहार गरेको थियो । हाल ला लिगामा बेटिस छैटौं र सोसिडाड ११ औं स्थानमा रहेका छन् ।