बार्सिलोना फर्किने नेयमारको गोप्पे वार्ता सफल

एजेन्सी- पेरिस सेन्ट जर्मन (पिएसजी)का ब्राजिलियन स्टार नेयमार यस सिजनको अन्यमा बार्सिलोना फर्किने पक्काजस्तै भएको खबर बाहिरिएको छ । केहि दिन अघि मात्र बार्सिलोना फर्किन नेयमारले आफ्ना वार्ता सदस्य खटाएका खबर बाहिरिएको थियो । 

यो सिजनको अन्त्यसँगै क्लब पिएसजीमाथि नेइमार र अर्का युवा खेलाडी केलियन एमबाप्पेमध्ये एक खेलाडी बेच्नुपर्ने बाध्यता छन् । खेलाडी किन्न बढी रकम खर्चेको आरोपमा छानबिन खेप्दै आएको पिएसजीले नेइमार बेच्ने सम्भावना बढी रहेको बताइन्छ । 

यस्तो स्थितिमा बार्सिलोनाले पनि आफ्ना पूर्वखेलाडीलाई पुनः फर्काउन सक्ने चर्चा यो सिजनको सुरुबाटै चल्दै आएको छ । नेइमार २ वर्षअघि विश्वकीर्तिमानी २ सय २२ मिलियन युरोमा बार्सिलोना छाडेर पिएसजी पुगेका थिए । 

अन्तर्राष्ट्रिय मिडियाका अनुसार बार्सिलोनाका अधिकारीसँग गोप्य रूपमा बसेको छलफलमा ‘गोप्य सहमति’ समेत भएको बताइएको छ । नेयमार पिएसजीमा खुसी हुन नसकेका कारण क्लब छोड्न लागेको खुलासा भएको छ । 

यसअघि अन्तर्राष्ट्रिय मिडियामा नेइमारले विभिन्न माध्यमबाट आफू बार्सिलोनामै पुनः आबद्ध हुन चाहेको बताएको खबर आएका थिए । गत नोभेम्बर महिनामा नेइमारका बुबाले लन्डनमा बार्सिलोनाका एजेन्टसँग छलफल गरेको खबर आएको थियो । 

सो समयमा नेइमारका बुबाले आफ्नो छोरा भविष्यमा पुनः बार्सिलोनाको जर्सीमा देखिन सक्ने भन्दै नेइमारको बार्सिलोना फिर्तीको संकेत दिएका थिए ।