रामोसको १ सय गोल पुरा भएसँगै रियल लेगानेससँग विजयी

एजेन्सी- सर्जियो रामोसले आफ्नो फुटबल करियरमा १ सय गोल पुरा गरेसँगै रियल मड्रिड विजयी भएको छ । बुधबार राति भएको स्पेनिस कोपा डेल रे फुटबलमा लेगानेसविरुद्ध १ गोल गर्दै रामोसले आफ्नो फुटबल करियरमा १ सय गोल पुरा गरेका छन् । 

घरेलु मैदानमा भएको खेलमा पाहुना टोली लेगानेसलाई ३-० ले पराजित गर्द कप्तान रामोसले एक गोल गरेका थिए । पहलो हाफमा घरेलु टोलीलाई १-० गोलको अग्रता दिलाउन रामोसले पेनाल्टी मार्फत गोल गरेका थिए । 

लिगको अन्तिम १६ को पहिलो लेगमा रियलका लागि थप गोल लुकास भास्केज र भिनिसियस जुनियरले गरेक थिए । त्यसपछि खेलको ६८ औं मिनेटमा भास्केजले गोल गर्दै  रियलको अग्रता दोब्बर पारे । 

उनले भिनिसियस जुनियरको पासमा गोल गरेका गिए । त्यसपछि खेलको ७७ औं मिनेटमा जुनियरल नैे गोल गर्दै रियललाई ३-० को सहज जित दिलाए । उनले अलाभोरा ओड्रियोजोलाको पासमा गोल गरेका थिए ।

यो जितसंगै रियल कोपा डेल रे फुटबलको अन्तिम आठ नजिक पुगेको छ । अब रियलले जनवरी १६ मा उसैको मैदानमा लेगानेससँग दोस्रो लेग खेल्नेछ ।