युवतीले सुपरमार्केटभित्रै पिसाव फेरेपछि ...

हामीमध्ये कतिले मानिसलाई खुला स्थान वा पर्खालमा पिसाब फेरेका देखका छाैं र सुनेको पनि छौँ । नेपालमा यस प्रकारको अनैतिक क्रियाकलाप हटाउन खुला दिशा पिसाब मुक्त क्षेत्र पनि घोषणा गर्न थालिएको छ । 

सभ्य मानिएका विदेशमा पनियस्ता घटना सुन्न पाइन्छ । तर, सुपरमार्केटको जहाँ  दैनिक उपभोग्य वस्तु किनमेल हुन्छ, मानिसको बढी चहलपहल हुन्छ त्यहाँ खुला रूपमै पिसाब गरेको घटना कति लज्जास्पद होला ? यस्तै, एक घटना अष्ट्रेलियाको ‘फुडवोर्क’ सुपरमार्केटमा भएको छ । 

क्विनल्यान्डस् राज्यको कोलिनभिल सहरमा ‘रहेको उक्त सुपरमार्केटमा मंगलबार एक महिलाले खुला रूपमै पिसाब गरेकी छन् । सिसिटिभीमा कैद भएको ‘फुटेज’ अनुसार ती महिलाले असाध्यै च्यापेपछि आफूले लगाएको सुरूवाल फुकालेर पिसाब गरेकी थिइन् ।

‘फुडवोर्क’ ले आफ्नो फेसबुक पेजमा ती महिलाको अनुहार ‘ब्रल्र’ गरेर ‘तपाईंहरूलाई ट्वाइलेट आवश्यक भएमा सोध्नु होला, फ्लोरमै पिसाब नगर्नेु होला’ लेखी भिडियो पोस्ट गरेको थियो ।  
उक्त फुटेजको धेरैले ती महिलालाई नराम्रो प्रतिक्रिया दिएका थिए । सोही कारण  ‘फुडवोर्क’ ले उक्त भिडियो हटाएको थियो । साथै ती महिलाले उक्त सुपरमार्केटबाट  सामान पनि चोरी गरेको फुटेजमा कैद भएको छ । ‘फुडवोर्क’  सुपरमार्केटका मालिकले महिलाविरूद उजुरी पनि दिएका छन् । 

तर, यो घटना अस्ट्रेलियामा पहिलो भने होइन । गत महिना क्विनस्ल्यान्डकै टाउन्सभिल सहरको ‘रेड रोस्टर’ फुड स्टोरमा एक पुरुषले दिसा गरेका थिए ।

सिसिटिभीमा कैदी भएको फुटेजमा धर्को सर्ट, कालो प्यान्ट र ह्याट लगाएका पुरुषले उक्त ‘फुड मार्केट’ बाहिरको ‘डस्ट–बिन’ को पछाडि दिसा गरेको भेटिएको थियो । 
रेड रोस्टरका म्यानेजरले सार्वजनिक शौचालयको व्यवस्था भए पनि किन यस्तो भइरहेको बुझ्न नसकेको बताए ।