पहिलो लेगमा टोटनह्याम चेल्सीमाथी विजयी

एजेन्सी- मंगलबार राति भएको कारवाओ कपमा टोटनह्यामले विजय सुरुवात गरेको छ । लिगको पहिलो खेलमा चेल्सीलाई १-० ले पराजित गर्दै टोटनह्यामले विजय सुरुवात गरेको हो । 

टोटनह्यामको जितका लागि खेलको एक मात्र निर्णायक गोल ह्यारी केनले गरे । उनले उक्त गोल पेनाल्टीमार्फत गरेका थिए ।  वेम्वली स्टेडियममा २५औं मिनेटमा चेल्सीका गोलरक्षक किपा एरिजाबालगाले केनलाई पेनाल्टी बक्समा लडाएपछि टोटेनहमले पेनाल्टीको मौका पाएको थियो ।

सोहि मौका लागि केन स्वयमले गोलमा परिणत गरेका थिए । त्यस पछि आक्रमक खेल प्रस्तुत गरेको चेल्सीले कुनै पनि गोल गर्न नसक्दा खेलमा टोटनह्याम विजय भएको हो ।

यससँगै टोेटेनहमले पहिलो लेगमा १–० को अग्रता लिएको छ । दोस्रो लेग २३ जनवरीमा चेल्सीको मैदानमा हुदैछ ।