यस बर्षको आईपीएल भारतमै हुने

एजेन्सी- १२ औं संस्करण्को इन्डियन प्रिमियर लिग (आईपीएल) टी-२० क्रिकेट प्रतियागिता भारतमै हुने भएको छ । यस अघि दक्षिण अफ्रिका अथवा युएईमा हुने भनिए पनि भारतीय क्रिकेट बोर्ड (बिसिसिआई) ले मंगलबार एक प्रेस विज्ञप्ति जारी गदै विश्व चर्चित आईपीएल भारतमा हुने बताएको हो ।

भारतमा हुन लागेको लोकसभा चुनाव कारण यस सिजनको आईपीएल दक्षिण अफ्रिका अथवा युएईमा हुन सक्ने बताउदै आएको थियो । प्रतियोगिता एकदिवसिय विश्वकपका कारण यसपटक २३ मार्च देखी सुरु हुने छ । 

तर, सम्पुर्ण खेल तालिका भने सार्वजनिक भएको छैन । प्रतियोगितामा दिल्ली क्यापिटल्स, सनराईजर्स हैदरावाद, रोयल च्यालेन्चर बेङ्लोर, किंग्स इलाभेन पञ्जाव, कोलकता नाइट राईडर्स, चेन्नइ सुपर किंग्स, मुम्बई इन्डियनस र राजस्थान रोयल्सले सहभागीता जनाउने छन् । 

गत संस्करणको उपाधि चेन्नई सुपर किंग्सले जितेको थियो ।