यस बर्षको अफ्रीका कप अफ नेसन्स इजिप्टमा हुने

एजेन्सी- यस बर्षको अफ्रीका कप अफ नेसन्स फुटबल प्रतियोगिता इजिप्टमा आयोजना हुने भएको छ । सेनेगलमा बसेको अफ्रीका महादेश फुटबल महासंघको बैठकबाट इजिप्टले अफ्रीका कप अफ नेसन्स गर्ने जिम्मेवारी पाएको हो ।

उक्त प्रतियोगिताका लागि भएको मतदानमा इजिप्टले १३ बल प्राप्त गरेको थियो । अब हुने यो अफ्रीका कप अफ नेसन्सको ३२ औं संस्करणको हो । 

यसअघि यस बर्षको अफ्रीका कप अफ नेसन्सको आयोजना गर्ने जिम्मेवारी क्यामरुनले पाएको थियो । तर, भौतिक पूर्वाधार नबनेकाले पुनः प्रतियोपगता आयोजनाका लागि आहावन गरिएको थियो । 

जसमा इजिप्टले मतदान माफर्त ३२ औं संस्करणको प्रतियोगिता आयोजना गर्ने जिम्मा पाएको हो । यस संस्करणको अफ्रीका कप अफ नेसन्समा २४ टोलीले प्रतिस्पर्धा गर्नेछन् । प्रतियोगिता जुन र जूलाईमा आयोजना हुनेछ ।

इजिप्टले अफ्रीका कप अफ नेसन्सको उपाधि ७ पटक जितेको छ भने क्यामरुनले ५ पटक जितेको छ ।