सन् २०१८ मा सर्वाधिक कमाई गर्ने ९ फुटबल खेलाडी

एजेन्सी- विश्व फुटबल जगतका चर्चित खेलाडीले बर्षमा कति कमाउँ छन् भन्ने कुरा धेरै जसो फुटबल बुझ्ने र फुटब समर्थकका लागि निकै नै चाोको बिषय बन्दछ । यसै क्रममा बर्ष २०१८ मा सर्वाधिक कमाई गर्ने खेलाडीको सुची सार्वजनिक भएको छ । 

अन्तर्राष्ट्रि पत्रिका ‘फोब्र्स’ले वर्ष २०१८ मा विश्वमा सबैभन्दा धेरै कमाइ गर्ने नौ जना खेलाडीको नाम सार्वजनिक गरेको हो । यस पटकको सर्वाधिक कमाई गर्ने खेलाडीको सूचीमा रियल मड्रिडका ग्यारेथ बेलदेखि चिनियाँ लिग खेलिरहेका ओस्करसमेत परेका छन् । हेरौ अन्य को-को बर्ष २०१८ का सर्वाधिक कमाई गर्ने खेलाडी हुन् ।

लियोनल मेस्सी

सन् २०१८ मा सर्वाधिक कमाई गर्ने फुटबल खेलाडीको शीर्षस्थानमा अर्जेन्टिना तथा बार्सिलोना लियोनल मेस्सी रहेका छन् । मेस्सीले २०१८ मा पारिश्रमिकबापत ८४ मिलियन डलर आम्दानी गरेका छन् । त्यसबाहेक उनले करिब २७ मिलियन व्यापारिक प्रायोजनबाट कमाएका छन् ।

क्रिस्टियानो रोनाल्डो

यसै सिजनको सुरुमा रियल मड्रिड छाडेर इटालियन क्लब युभेन्टस पुगेका पोर्चुगिज क्रिस्टियानो रोनाल्डो सन् २०१८ मा दोस्रो स्थानमा रहेका छन् । यससँगै रोनाल्डो जारी सिजनमा गोल संख्यामा पनि मेस्सीभन्दा पछि परेका छन् । ३३ वर्षीय रोनाल्डोले २०१८ मा ६१ मिलियन डलर पारिश्रमिकबापत आम्दानी गरेका छन् । उनले ४७ मिलियन डलर व्यापारिक प्रायोजनबाट कमाएका छन् ।

नेइमार

२ वर्षअघि विश्वकै सबैभन्दा महँगा फुटबलर बन्दै बार्सिलोनाबाट पेरिस सेन्ट जर्मन (पिएसजी) पुगेका ब्राजिलियन स्टार खेलाडी नेइमार सन् २०१८ मा सर्वाधिक धेरै कमाउने फुटबलर सूचीको तेस्रो नम्बरमा रहेका छन् । नेइमारले सन् २०१८ मा पारिश्रमिकबापत ७३ मिलियन डलर कमाएका छन् । त्यसैगरी, नेइमारले व्यापारिक प्रायोजनबाट १७ मिलियन डलर पनि कमाएका छन् ।

ग्यारेथ बेल

स्पेनिस रियल मड्रिडका ग्यारेथ बेल २०१८ मा सर्वाधिक धेरै कमाउने फुटबलर सूचीको चौथो नम्बरमा रहेका छन् । वेल्सका फरवार्ड बेलले २०१८ मा २८.६ मिलियन डलर कमाइ गरेका छन् । उनले व्यापारिक प्रायोजनबाट ६ मिलियन डलर कमाइ गरेका छन् ।

पाउल पोग्बा

इंग्लिस क्लब म्यानचेस्टर युनाइटेड तथा फ्रान्सका खेलाडी पाउल पोग्बाले सन् २०१८ मा सर्वाधिक कमाउने फुटबलर खेलाडीको पाँचौं नम्बरमा परेका छन् । उनले कूल २५.५ मिलियन डलर कमाइ गरेका छन् । उनले व्यापारिक प्रायोजनबाट ४.५ मिलियन डलर कमाएका छन् ।

ओस्कार

सन् २०१८ मा ब्राजिलियन खेलाडी ओस्कार पनि धेरै कमाउने खोलडीको सूचीमा अटेका छन् । हाल चिनियाँ क्लबबाट खेलिरहेका ब्राजिलियन खेलाडीले ओस्कारले २०१८ मा २५.९ मिलियन डलर कमाइ गरे । उनले व्यापारिक प्रायोजनबाट १.५ मिलियन कमाइ गरेका छन् ।

बार्यन रुनी

धेरै कमाउने फुटबलरको सातौं नम्बरमा इंग्लिस खेलाडी बार्यन रुनी छन् । हाल अमेरिकन क्लबबाट खेलिरहेका रुनीले २०१८ मा कूल २२ मिलियन डलर कमाए । उनले व्यापारिक प्रायोजनबाट ५ मिलियन कमाइ गरेका छन् ।

लुइस स्वारेज

सन् २०१८ मा धेरै कमाउने खेलाडीको आठौं नम्बरमा स्पेनिस बार्सिलोना तथा उरुग्वेका फरवार्ड लुइस स्वारेज छन् । उनले कूल १९.९ मिलियन डलर कमाउँदा व्यापारिक प्रायोजनबाट ७ मिलियन कमाइ गरेका छन् ।

सर्जिया अगुइरो

२०१८ मा धेरै कमाउने खेलाडीको नवौं नम्बरमा इंग्लिस क्लब म्यानचेस्टर सिटी तथा अर्जेन्टिनाका सर्जियो अगुइरो रहेका छन् । उनले कूल १७ मिलियन कमाउँदा व्यापारिक प्रायोजनबाट पनि ६ मिलियन कमाइ गरेका छन् ।