मेस्सीको गोलको मद्दतले बार्सिलोना शीर्षस्थानमा यथावत

मड्रिड- स्पेनिस ला लिगामा बार्सिलोनाले शीर्षस्थान यथावत कायमै राखेको छ । आईतबार राती भएको खेलमा गेटाफेलाई पराजित गर्दै बार्सिलोनाले शीर्षस्थान कायमै राखेको हो । 

गेटाफको घरेलु मैदानमा भएको खेलमा उसैलाई २-१ ले पराजित गर्दै दोस्रो स्थानमा रहेको एटलेटिको मड्रिड भन्दा ५ अंकले दुरी बढाएको छ । घरेलु टोलीलाई पराजित गर्न बार्सिलोनाका लागि लिायानल मेस्सी, लुइस सुआरेजले एक एक गोल गर्दा गेटाफेका लागि जाइमी माटाले एक गोल फर्कएका थिए । 

खेलमा भएका तीन वटै गोल दोस्रो हाफमा सम्भव भएका थिए । दोस्रो हाफिमा निकै नै आक्रमक खेल खेलेपनि दुबै टोलीबाट थप गोल ग.हुन सकेन । पहिलो हाफको २० औं मिनेटमा बार्सिलोनाले सुरुवाती अग्रता लिएको थियो । 

खेलको २० औं मिनेटमा कप्तान मेस्सीले गोल गर्दै पाहुना टोलीलाई सुवाती अग्रता दिलाएका थिए । त्यसपछि ३९ औं मिनेटमा सुआरेजले गोल गर्दै बार्सिलोनाको अग्रता दोब्बर पारे । 

उनले फ्रिकिक मार्फत उकृष्ट गोल गरेका थिए । तर, पहिलो हाफ सकिन २ मिनेट बाँकी रहदा गेटाफेले गोल अन्तर घटाएको थियो । गेटाफेका लागि माटाले एन्जल लुइस रोड्रिगुजको पासमा गोल गर्दै अन्तर घटाउने प्रयास गरेका थिए ।

 तर, थप गोल गर्न नसक्दा बार्सिलोना २-१ ले विजयी भएको हो । यस जितसँगै बार्सिलोनाको १८ खेलमा ४० अंक पुगेको छ । यता गेटाफेको भने २५ अंक छ । 

त्यस्तै आइतबार नै भएका अन्य खेलमा हुएस्काले रियल बेटिसलाई २-१ ले पराजित गरेको छ । २० औं स्थानमा रहेको हुएस्काले ७औं सनमा रहेको बेटिसलाई पराजित गरेको हो । अर्को खेलमा इबार र भिल्लारियलले गोल रहित बराबरी खेलेका छन् ।