‘ए’ डिभिजन लिग : मछिन्द्रलाई पराजत गर्दै आर्मी चौथो स्थानमा 

काठमाडौं- सहिद स्मारक ‘ए’ डिभिजन लिगमा विभागीय टिम त्रिभुवन आर्मी क्लब चौंथो हुँदै लिगको अन्त्य गरेको छ । आइतबार मछिन्द्र क्लबामाथि सहज जित निकाल्दै आर्मी लिगमा चौंथो भएको हो । 

आर्मीले मछिन्द्रलाई ३-० ले पाराजित गरेको हो । आर्मीको जितका लागि कप्तान भरत खवासले दुई र  टंक बस्नेतले १ गोल गरे । पहिलो हाफमा १-० ले को अग्रता लिएको आर्मीले दोस्रो हाफमा थप दुई गोल गर्यो । 

आर्मीले २९ औं मिनेटमा मछिन्द्रविरुद्ध सुरुवाती अग्रता लिएको थियो । खेलको २९ औं  टंकले गोल गर्दै आर्मीलाई सुरुवाती अग्रता दिलाएका थिए । खेलको ६२ औं मिनेटमा भरतले गोल गर्दै आर्मीको अग्रता दोब्बर पारे । 

त्यसपछि खेलको ७३ औं मिनेटमा भरतले व्यक्तीगत दोस्रो गोल गर्दै आर्मीको जित सुनिश्चित गरे । रेलिगेसन नहुने लिगमा आर्मीले २५ अंक जोडेको छ । मछिन्द्र भने ७ अंक जोडेर १३ औं स्थानमा रहेको छ ।