‘ए’ डिभिजन लिग : थ्री स्टार क्लब तेस्रो

काठमाडौं- थ्री स्टार क्लब सहिद स्मारक ‘ए’ डिभिजन लिगमा तेस्रो भएको छ । लिग चरणको अन्तिम खेलमा हिमालयन सेर्पालाई पराजित गर्दै लिगमा तेस्रो भएको हो । अन्तिम आइतबार भएको अन्तिम खेलमा थ्री स्टारले हिमालयनलाई २-० ले पराजित गरेको हो । 

थ्री स्टारको जितका लागि बुद्ध चेम्जोङ र रन्जन विष्टले एक एक गोल गरे । खेलको २८ औ मिनेटमा बुद्ध चेम्जोङले गोल गर्दै थ्री स्टारलाई सुरुवाती अग्रता दिलाए । 

उनले रन्जन विष्टको पासमा गोल गर्दै सुरुवाती अग्रता दिलाएका थिए । त्यसपछि थप एक गोल दोस्रो हाफमा सम्भव भएको थियो । खेल सकिन दुई मिनेट बाँकी रहँदा रन्जन विष्टले गोल गर्दै टोलीको जित सुनिश्चित गरे ।  

उपाधिको मुख्य दाबेदार थ्री स्टार २६ अंक सहित तेस्रो स्थानमा रहेर लिग यात्रा अन्त्य गरेको छ । यता शेर्पा भने हारसँगै शीर्ष ६ भित्र पर्ने सम्भावना समाप्त भएको छ । उसले १७ अंक सहित लिगको सातौ स्थानमा रहेर प्रतियोगिताको अन्त्य गरेको छ ।