रवि लामिछानेलाई ६५ लाख धरौटीमा रिहा गर्न अदालतको आदेश

काठमाडौं- सहकारीको बचत अपचलन मुद्दामा रास्वपा सभापति तथा पूर्वगृहमन्त्री रवि लामिछानेलाई धरौटीमा रिहा गर्न कास्की जिल्ला अदालतले आदेश दिएको छ।

न्यायाधीश नितीज राईको इजलासले लामिछानेलाई ६५ लाख धरौटीमा रिहा गर्न आदेश दिएको हो।

सहकारीको रकम गोर्खा मिडिया नेटवर्क प्रालिमा लगेर अपचलन गरेको आरोपमा रवि लामिछाने गत कात्तिक दुई गते केन्द्रीय कार्यालयबाटै पक्राउ परेका थिए।

जिल्ला अदालत कास्कीबाट उनीविरुद्ध पक्राउ पुर्जी जारी भएको थियो। कास्कीसँगै उनीविरुद्ध अन्य चार जिल्लाबाट पनि पक्राउ पुर्जी जारी भएको छ।