डोटीको इलाका प्रहरी कार्यालय बीपी नगरमा कार्यरत प्रहरी सहायक हवल्दारको ड्युटीमा रहेकै अवस्थामा मृत्यु भएको छ।
डडेल्धुराको भागेश्वर गाउँपालिका- ५ घर भएका सहायक हवल्दार बहादुरसिंह पालीको एक्कासि मृत्यु भएको जिल्ला प्रहरी कार्यालय डोटीले जनाएको छ।
उनी आज बिहान ३ देखि ६ बजेसम्म कार्यालयको ड्युटीमा थिए। ड्युटीमै भएको बेला एक्कासि बेहोस भएपछि उपचारको लागि तत्काल स्थानीय बीपीनगर पोलिक्लिनकमा पुर्याइएको थियो।
पोलिक्लिनिकमा सामान्य चेकजाँचपश्चात थप उपचारका लागि बिहान ४ बजे सेती प्रादेशिक अस्पताल धनगढी रिफर गरिएको थियो। अस्पतालमा ६ बजेर ४० मिनेटमा उनलाई डाक्टरले मृत घोषणा गरेका थिए।
प्रकाशित: Jan 08, 2025| 19:45 बुधबार, पुस २४, २०८१
