अल्टिमाले ल्यायो प्रिमियम फिचरयुक्त बूम १८१ एएनसी इयरबड्स

लाइफस्टाइल इलेक्ट्रोनिक्स ब्रान्ड अल्टिमाले आफ्नो नयाँ वायरलेस इयरबड्स अल्टिमा बूम १८१ एएनसी नेपाली बजारमा उपलब्ध गराएको छ। बूम १८१ एएनसीमा एक्टिभ नोइज क्यान्सलेशन, उच्च-गुणस्तरको ध्वनि, र लामो ब्याट्री लाइफजस्ता सुविधाहरू रहेको छ।

यो इयरबड्सको मूल्य ३ हजार ९९९ रूपैयाँमा तोकिएको छ। सुरुवातमा, यो एक हजार ९९९ रूपैयाँमा मात्र डिसेम्बर २५ देखि विशेष अफरमा उपलब्ध हुनेछ जसले यसलाई २ हजार ५०० रूपैयाँ भित्रका उत्कृष्ट इयरबड्समध्ये एक बनाउने कम्पनीले विश्वास लिएको छ।

अद्वितीय फिचरहरू, अपराजेय मूल्य
अल्टिमा बूम १८१ एएनसीले अत्याधुनिक प्रविधि र उत्कृष्ट डिजाइन संयोजन गरी अद्वितीय सुन्ने अनुभव प्रदान गर्ने कम्पनीको भनाइ छ। एएनसीमा ३२डीबीसम्मको एक्टिभ नोइज क्यान्सलेशन पाउन सकिनेछ।

अन्य विशेषताहरू:
⦁ हाई-फाई साउण्ड क्वालिटी: १३ एमएम हाई-फिडेलिटी सोनिक ड्राइभर र अल्टिमा सुप्रिम साउण्ड टेक्नोलोजीले स्पष्ट उच्च, सन्तुलित मध्यम, र गहिरो बास बास प्रदान गर्ने कम्पनीले जनाएको छ।
⦁ गेम मोड: कम्पनीका अनुसार ४५एमएस कम लेटेन्सी मोडले लग-फ्री गेमिङ अनुभव प्रदान गर्छ।
⦁ ब्याट्री उत्कृष्टता: ४५ घण्टासम्मको कुल प्ले टाइम र एकपटक चार्जमा ६ घण्टा प्ले टाइम रहेको एएनसीमा १० मिनेट चार्ज गर्दा १२० मिनेट अतिरिक्त प्ले टाइमको लागि थ्रीसी बूस्ट चार्जिङ टेक्नोलोजी दिइएको छ।
⦁ एआई-पावर्ड क्वाड माइकहरू: कम्पनीका अनुसार एएनसीले एआई क्रिस्टल-क्लियर कल एल्गोरिदमले उच्च-गुणस्तरको कल अनुभव प्रदान गर्दछ।

आराम र सजिलो प्रयोगका लागि डिजाइन
बूम १८१ एएनसीमा कम्प्याक्ट अन्डाकार बडी र अर्गोफिट डिजाइनसहित आरामदायी र सहज फिट दिइएको छ। आईपीएक्स५ वाटर रेसिस्टेन्ट भएकाले यो कसरत र दैनिक गतिविधिका लागि उपयुक्त रहेको कम्पनीको दावी छ।

स्मार्ट फिचरहरूमा सुधार
यस इयरबड्सले टच-एनेबल्ड कन्ट्रोलहरू र एण्ड्रोइड तथा आईओएसका लागि उपलब्ध अल्टिमा लिङ्क एपलाई समर्थन गर्दछ। यसले प्रयोगकर्तालाई ईक्यू सेटिङ्स कस्टमाइज गर्न, आफ्नो डिभाइस पत्ता लगाउन, ग्राहक सेवा पहुँच गर्न सक्षम बनाउने कम्पनीको भनाइ छ। ट्रान्सपरेन्सी मोडले इयरबड्स नझिकीकन आफ्नो वरपरको अवस्थिति बुझ्न सजिलो बनाउँछ।

उपलब्धता र रङहरू
बूम १८१ एएनसी कार्बन व्हाइट र कार्बन ब्ल्याक रङहरूमा उपलब्ध छ, जसले स्टाइल र कार्यक्षमता दुवै प्रदान गर्छ। प्याकेजमा इयरबड्स, टाइप-सी केबल, थप इयर टिप्स, ६ महिनाको ब्रान्ड वारेन्टी, र ३० दिनको रिप्लेसमेन्ट ग्यारेन्टी समावेश छ।

लन्च अफर
एक हजार ९९९ रूपैयाँको लन्च मूल्यमा, बूम १८१ एएनसीले नेपालमा सस्तो र गुणस्तरीय इयरबड्सको नयाँ मापदण्ड कायम गरेको कम्पनीको दाबी छ। यो विशेष अफर सीमित समयका लागि अधिकृत खुद्रा बिक्रेता र दराज, ब्रदरमार्ट, हुकुट, जीभी ,खल्ती, ईसेवा, नियो स्टोरजस्ता प्रमुख अनलाइन प्लाटफर्महरूमा उपलब्ध छ।