देहरादुनमा नेपाललाई ५ स्वर्ण र एक रजत

काठमाडौं- नेपाल सोतोकान कराते एसकेडियुएनले भारतको देहरादुनमा आयोजना भएको प्रथम अन्तर्राष्ट्रिय इन्डो सोतोकान कराते च्याम्पियनसिपमा ५ स्वर्ण र एक रजत प्राप्त गरेको छ ।

नेपाल सोतोकान कराते संघका महासचिव एवं बरिष्ठ प्रशिक्षक तथा च्याम्पियनसिपका रेफ्रि गोविन्द श्रेष्ठका अनुसार नेपालले ५ स्वर्ण र १ रजत प्राप्त गरेको छ । 

४५-५० केजी तौलमा नेपालका राम नारायणले काता र कुमितेतर्फ स्वर्ण पदक हात पारेका हुन् । यस्तै गिता सुनुवारले काता र कुमिते दुवैमा स्वर्ण तथा सुरज बिकले कुमितेमा स्वर्ण तथा कातामा रजत पदक प्राप्त गर्न सफल भएको प्रशिक्षक श्रेष्ठले जानकारी दिए ।