भाटभटेनीमा ढुसी परेको नरिवल भेटिएपछि...

काठमाडौं- भाटभटेनी सुपरमार्केटमा ढुसी परेको नरिवल फेला परेको छ। त्रिपुरेश्वरमा रहेको भाटभटेनी सुपरमार्केटमा प्याक गरिएको र विक्रीको लागि राखिएको नरिवल अखाद्य भेटिएको हो।

ग्राहकले यसबारे काठमाडौं महानगरपालिकालाई कल सेन्टर (नि:शुल्क नम्बर ११८०) मा उजुरी गरेपछि महानगरले अनुगमन गरेको थियो।

महानगर प्रहरी बल र खाद्य प्राविधिक सहितको टोलीबाट अनुगमन गर्दा नरिवलमा अखाद्य ढुसीजन्य पदार्थ भेटिएकोले प्राविधिकको रोहवरमा नष्ट गरी थप कारवाहीको लागि कृषि तथा पशुपन्छी विभागमा ल्याइएको महानगरले जनाएको छ।