रामोसको फुटबल जिवनकै ‘आश्चाय’ तथ्य

एजेन्सी- स्पेनिस रियल मड्रिडका कप्तान सर्जियो रामोस मैदानमा अक्सर विवादित खेलाडीका रूपमा चिनिन्छन् । उनी खैल दौरान आक्रामक खेल्ने र बढी कार्ड खाने खेलाडीमा पर्छन् ।

तर, वर्ष २०१८ भने रामोसका लागि ‘अचम्मको वर्ष’ भयो । किनभने, उनले वर्ष २०१८ मा एउटा पनि रातो कार्ड खाएनन् । उनले १३ वर्षपछि पहिलोपटक रामोसले २०१८ मा एउटा पनि रातो कार्ड खाएका छैनन् । 

रामोसले सन् २००५ पछि पहिलोपटक रातो कार्ड नखाई १२ महिना बिताएका हुन् । र, यो निकै दुर्लभ हो । स्पेनिस मिडियाले त यसलाई ‘आठौं आश्चार्य’ भनेर व्यांग्यात्मक समाचार छापेका छन् ।

रामोसले सन् २००४ को फेब्रुअरीमा रियल मड्रिडको सिनियर टोलीमा डेब्यु गरेयता उनले हरेक वर्ष कम्तीमा एउटा रातो कार्ड खाँदै आएका थिए । तर, २००५ पछि उनले पहिलोपटक रातो कार्ड बिनाको वर्ष मैदानमा पूरा गरे । 

त्यसबेला सेभिल्लाबाट रियल मिड्रड गएपछि उनले पहिलो कार्ड खाएका थिए । त्यसयता रामोसले रियलको सेतो जर्सीमा कूल २४ वटा रातो कार्ड खाइसकेका छन् । जुन कीर्तिमानी हो ।

उनले करिअरमा खाएका २४ रातो कार्डमध्ये कूल १९ वटा ला लिगामै पाएका छन् भने बाँकी अन्य प्रतियोगितामा पाएका छन् । रामोसले जारी सिजन कूल २४ खेल खेलिसकेका छन् । उनले १६ वटा ला लिगाका खेल खेल्दा ४ च्याम्पियन्स लिग २ क्लब विश्वकप, एक कोपा डेल रे र एक युइएफए सुपर कपका खेल खेलेका छन् । 

त्यसक्रममा उनले ५ वटा पहेंलो कार्ड खाए पनि रातो कार्ड भने पाएका छैन् । सन् २०१७ मा भने रामोसले २ वटा रातो कार्ड पाएका थिए । सो वर्ष उनले ला लिगाअन्तर्गत डेपोर्टिभो र एथ्लेटिको बिल्बाओविरुद्धको खेलमा रातो कार्ड पाएका थिए । उनले अन्तिम रातो कार्ड २०१७ को डिसेम्बरमा पाएका थिए ।

तर, राष्ट्रिय टोली सपेनको जर्सीमा भने रामोसले एउटा पनि रातो कार्ड पाएका छैनन् । उनले स्पेनका लागि हालसम्म १ सय ६१ खेल खेलिसकेका छन् ।