म्यान्चेष्टर युनाईटेडको लगातार चौथो जित

एजेन्सी- इंग्लिस प्रिमियर लिग फुटबलमा म्यान्चेष्टर युनाईटेडले न्युक्यासल युनाईटेडलाई पराजित गरेको छ । बुधबार राति भएको खेलमा युनाईटेडले न्युक्यासललाई २-० गोल अन्तरले पराजित गरेको हो । यस जितसँगै मान्भेष्टरको यो लगातार चौथा जित हो ।

प्हिलो हाफमा गोल रहित बराबरीमा सकिएको खेलमा दुबै गोल दोस्रो हाफमा भएका थिए । मान्चेष्टरको जितका लागि रोमेलु लुकाकु र मार्कोस रासफोर्डले एक एक गोल गरे । 

दोस्रो हाफमा बैकल्पिक खेलाडीको रुपमा मैदान छिरेका रोमेलु लुकाकुले खेलका ६४ औं मिनेटमा गोल गर्दै म्यान युनाईटेडलाई सुरुवाती अग्रता दिलाएका थिए । त्यसपछि ८० औं मिनेटमा मार्कोस रासफोर्डले गोल गर्दै टोलीको अग्रता २-० ले पार्ये ।

प्रशिक्षकमा आएपछि लगातार चार लिग खेल जित्ने आले गुनर सोल्सायर क्लब ईतिहासका दोस्रो प्रशिक्षक बने । जितपछि म्यान युनाईटेड ३८ अंक सहित तालिकाको छैटौ स्थानमा उक्लिएको छ । न्युक्यासल रेलिगेशन जोन भन्दा तीन स्थान माथि छ ।