च्याम्पियन मनाङको अपराजित यात्रा मायमै 

काठमाडौं- सहिद स्मारक ‘ए’ डिभिजन लिग फुटबलमा दुई खेल अगावै च्याम्पियन बनेको मनाङ मस्र्याङ्दी क्लबले आफ्नो अपराजित यात्रा कायमै राखेको छ । 

लिगको १२ औं खेल सम्म आइपुग्दा समेत मनाङ अपराजित रहेको छ । बुधबार भएको १२ औं खेलमा मनाङले हिमालयन शेर्पा क्लबलाई २-१ गोल अन्तरले पराजित गर्दै च्याम्पियन मनाङले लिगमा अपराजित यात्रा कायम राखेको हो ।

मनाङको जितका लागि आफिज ओलावाले र विशाल राईले एक एक गोल गरे । हिमालयन शेर्पाका विश्वास श्रेष्ठले एक गोल गरे । पहिलो हाफमा १-१ को बराबरी खेलेको खेलमा मनाङले दोस्रो हाफमा थप एक गोल गर्दै विजयी भएको थियो । 

खेलको अन्तिम मिनेटमा विश्वास श्रेष्ठले गोल गर्दै हिमालयन शेर्पालाई खेलमा फर्काएका थिए । दोस्रो हाफमा विशालले गोल गर्दै मनाङको अपराजित यात्रालाई कायमै राखे । 

उनले खेलको ६३ औं मिनेटमा गोल गर्दै मनाङलाई २-१ को जित दिलाए । जितसँगै मनाङले १२ खेलबाट ३६ अंक जोडेको छ । पराजित हिमालयन शेर्पाको ११ अंक सहित तालिकाको सातौं स्थानमा छ ।