‘ए’ डिभिजन लिग : १० गोल भएको त्यो खेल

काठमाडौं- शहीद स्मारक ‘ए’ डिभिजन लिग अन्तर्गत सोमबार भएको खेलमा गोलका बर्ष भए । जहाँ जारी लिगमा एक खेलमा अहिले सम्मकै सर्वाधिक गोल भए । सोमबार बिहान भएको एनआरटी र मछिन्द्र क्लबबीचको खेलमा १० गोल भए । 

जो जारी लिगको एउटै खेलमा भएको सर्वाधिक गोल संख्या हो ।  उक्त खेलको पहिलो हाफमा नै दुबै टोलीबाट गरी ८ गोल भएका थिए । त्यसपछि खेलको दोस्रो हाफमा दुबै टोलीबाट थप दुई गोल हुँदै एउटै खेलमा सर्वाधिक १० गोल भए । उक्त खेल एनआरटी र मछिन्द्रले ५-५ को बराबरी खेलको थिए । 

पहिलो हाफको चौथो मिनेटमा विदेशी खेलाडी डाइमण्डले गोल गर्दै मछिन्द्रलाई सुरुवाती अग्रता दिलाए ।  तर, खेलको नवौं मिनेटमा आत्मघाति गोल मार्फत एनआरटीले गोल १-१ को बराबरी गर्यो । 

दशौ मिनेटमा अनिल गुरुङको क्रसमा विशाल राईले गोल गर्दै मछिन्द्रलाई २-१ को अग्रता दिलाए । खेलको २८ औं मिनेटमा पुनः अनिल गुरुङकै पासमा खमिर गिल्सन कन्दङ्वाले गोल गर्दै मछिन्द्रलाई ३-१ को अग्रता दिलाए । 

त्यस्तै ३० औं मिनेटमा खमिरको पासमा अनिल गुरुङले गोल गर्दै मछिन्द्रलाई ४-१ को अग्रता दिलाए । खेलको ३० मिनेट सकिदा खेलमा ५ गोल भए । पहिलो हाफ सकिन २० मिनेट बाँकी रहँदा थप तीन गोल भए । 

३३ औं मिनेटमा एनआरटीका अशोक थापाले गोल गर्दै खेल ४-२ को स्थितिमा ल्याए । लगत्तै ३४ औं मिनेटमा अशोकले व्यक्तिगत दोस्रो गोल गर्दा खेल ४-३ को स्थितिमा पुग्यो ।  त्यसपछि पहिलो हाफको इन्जुरी समयमा एनआरटीका सुनिल लामाले पेनाल्टीमा गोल गर्दै खेल ४-४ को बराबरीमा ल्याए । 

दोस्रो हाफमा बिशाल राईले व्यक्तीगत दोस्रो गोल गर्दै मछिन्द्रलाई पुनः ५-१ ले अग्रताच दिलाए । उनले खेलके ६४ औं मिनेटमा गरेका थिए । तर, ८६ औं मिनेटमा एनआरटीले गोल गर्दै खेल ५-५ को राबरीमा ल्याए र अंक बाँडे । 

यस बराबरीसँगै एनआरटी ६ अंक सहित तालिकाको पुछारमा छ भने मछिन्द्र ७ अंक सहित तालिकाको १३ औ स्थानमा छ ।