संकटा र थ्रीस्टारमा को बन्ला दोस्रो ?

काठमाडौं- दुई खेल अगावै मनाङ मस्र्याङ्दी क्लबले लिगको उपाधि जित्दा संकटा र थ्री स्टार क्लब दोस्रो स्थानका लागि दौडमा रहेको छन् । यस सिजन गरि सहिद स्मारक ‘ए’ डिभिजन लिग फुटबलको उपाधि आठौं पटक जित्दै मनाङले कीर्तिमानी रच्यो । 

जारी लिगमा बलियो दाबेदार देखिएको संकटालाई ११ औं चरणको खेलमा ३-१ गोल अन्तरले पराजित गर्दै उपाधि उचाल्न सफल भएको हो । अब लिगमा दोस्रो स्थानको टुङ्गो लाग्न बाँकी छ । 

लिगमा दुई खेल बाँकी रहँदा संकटाको २५ अंक रहेको छ भने अर्को प्रतिद्वन्द्वी थ्री स्टारको २३ अंक रहेको छ । यता विभागिय टोली क्रिभुवन आर्मी क्लबको २१ अंक छ । लिगमा दोस्रो स्थानमा रहेको संकटा बाँकि दुई खेलमा राम्रो प्रदर्शन गरेर दोस्रो स्थानमा अढिक रहनेछ । 

यदि त्यस्तो भएको खण्डमा थ्री स्टारले तेस्रो स्थानमा चित्त बुझउनु पर्ने छ । संकटाले एक खेल बराबरी वा हार तथा एक खेलमा विजय भएमा पनि संकटा उपविजेता बन्ने सम्भावन बढि छ । तर, यता थ्री स्टारले दुबै खेल जिल्नै पर्ने हुन्छ । 

किनकी थ्री स्टारलाई आर्मिले पनि पछ्छाई रहेको छ । यदि थ्री स्टार कुनै एक खेलमा चिप्लिए र आर्मीले दुबै खेलमा विजय भए थ्री स्टार झन तल झर्ने छ । तर, लिगको दोस्रो र तेस्रो टोली  को हुनेछ त्यो भने १२ औं र १३ औं चरणको खेल प्रदर्शनले बताउने छ । 

किनकी संकटाले बाँकि दुबै खेलमा सामान्य प्रदर्शन गरेमा थ्री स्टार र आर्मिले माथि उक्लने मौका पाउनेछन् । लिगका १२ औं चरणका खेलहरुमा पहिलो दिन अर्थात पौष १६ गते विभिन्न ३ खेलहरु हुनेछन् । 

एन्फाले सार्वजनिक गरेको तालिका अनुसार सोमबार एन्फा कम्प्लेक्स सातदोबाटोमा २ खेल र एपीएफ मैदान हल्चोकमा एक खेल हुनेछ । एन्फा कम्प्लेक्स सातदोबाटोमा हुने पहिलो खेलमा न्युरोड टिम एनआरटी र मछिन्द्र क्लबबीच प्रतिस्पर्धा गर्ने छन् । उक्त खेल बिहान ११ बजे सुरु हुनेछ ।

यस्तै दिउँसो २ः३० मा हुने खेलमा फ्रेन्ड्स क्लब र ब्रिगेड ब्वाइजबीच जावलाखेल प्रतिस्पर्धा हुनेछ । त्यहि समय हलचोकमा जाउलाखेल युथ क्लब र त्रिभुवन आर्मि क्लब प्रर्तिस्पर्धा गर्ने छन् ।