ओडीआईमा सर्वाधिक रन बनाउने नेपालका तीन खेलाडी

काठमाडौं- नेपालका तीन खेलाडी वान डे अन्तर्राष्ट्रिय (ओडीआई) क्रिकेटमा सर्वाधिक रन बनाउने खेलाडीको सुचिमा परेका छन् । ओडीआईमा नेपालबाट सर्वाधिक रन बनाउने खेलाडीमा दिपेन्द्रसिंह ऐरी, सोमपाल कामी र पारस खड्का परेका हुन् । 

दिपेन्द्र सिंह ऐरी नेपालबाट वान डे क्रिकेटमा सर्वाधिक रन बनाउने पहिलो ब्याट्सम्यान हुन् । मिडिल अडरका भरपर्दा युवा खेलाडी ऐरीले ३ वान डे खेलमा ९२ रन जोडेका छन् । 

७१.३१ को स्ट्राइक रेटमा ब्याटिङ गर्दै ७ चौका र १ छक्का प्रहार गरेका उनले नेदरल्यान्डसँगको डेब्यू खेलमा ३३ र दोस्रो खेलमा १९ रन जोड्दा युएईविरुद्ध ४० रन जोडेका थिए ।

त्यस्तै तीव्र गतिका बलर तथा तल्लोक्रममा ब्याटिङ गर्ने सोमपाल कामी ओडीआई क्रिकेटमा सर्वाधिक रन बनाउने दोस्रो नेपाली खेलाडी बनेका छन् । उनले ३ खेलमा ९८.८७ को स्ट्राइक रेटमा ब्याटिङ गर्दै ८८ रन जोडेका छन् । ४ छक्का र ६ चौका प्रहार गरेका उनले नेदरल्यान्डसँगको दोस्रो खेलमा ६१ रन जोडे । युएईसँगको खेलमा २७ रनमा नट आउट रहे ।

कप्तान पारस खड्का सर्वाधिक रन बनाउने नेपाली खेलाडीको सूचिमा तेस्रो स्थानमा छन् । पारसले ३ वान डे मा ७९ रन जोडेका छन् । जस्मा १० चौका र २ छक्का समावेश छ । ७१.८१ स्ट्राइकरेटमा ब्याटिङ गरेका पारसले नेदरल्यान्डसँगको डेब्यूमा १२ र दोस्रो खेलमा ५१ रन जोडे । युएईसाग पारसले १६ रन मात्र बनाउन सकेका थिए । 

नेपालले हाल सम्म ३ वटा मात्र वान-डे खेल खेलेको छ । अगस्ट १ मा नेदरल्यान्डसँग ओडीआई डेब्यू गरेको नेपालले हालसम्म ३ खेल मात्र खेलेको छ । नेदरल्यान्डसँग २ र युएईसँग १ ओडीआई म्याच खेलिको हो । नेपालले जिम्बावेमा सम्पन्न एकदिवसिय विश्वकप छनोटमा आठौं स्थानमा रहेर गत मार्च १५ मा चार वर्षका लागि ओडीआई मान्यता पाएको थियो ।