ब्रिगेडमाथि हिमालयनको फराकिलो जित

काठमाडौं- बुधबार भएको पल्सर सहिद स्मारक ‘ए’ डिभिजन लिग फुटबलमा हिमालयन शेर्पाले ब्रिगेड ब्वाईजलाई पराजित गरेको छ । सातदोबाटोस्थित एन्फा कम्प्लेकसमा भएको खेलमा हिमालयनले ब्रिगेडलाई ४-१ गोलको फराकीलो अन्तरले पराजित गरेको हो ।  

दुबै टोलीले पहिलो हाफ गोल रहित बरारबी खेलेका थिए । तर, दोस्रो हाफमा दुबै टोलीबाट ५ गोल सम्भब भएका थिए । उक्त खेलमा हिमालयनले ४ गोल गर्दा ब्रिगेडले एक गोल गर्यो ।

हिमालयनले दोस्रो हाफ सुरु भएको पहिलो मिनेटमा नै गोल गरेको थयो । हिमालयनलाई सुृरुवाती अग्रता विदेशी खेलाडी गोहा प्याट्रीकले दिलाए । ५४ औ मिनेटमा बिशोन गुरुङले गोल गर्दै अग्रता दोब्बर पारे । 

तेस्रो गोल विश्वास श्रेष्ठले गरे । उनले ६१ औ मिनेटमा कर्ण लिम्बुको प्रहार गोलकिपरले क्लियर गर्न नसक्दाँ विश्वासले खोसेर गोल गर्न सफल भएका थिए । त्यस्तै खेलको ८० औ मिनेटमा विश्वासले व्यक्तीगत दोस्रो गोल गर्दै ब्रिगेडविरुद्ध ४-० को अग्रता बनाए ।

तर, खेल सकिन ३ मिनेट बाँकी छदाँ ब्रिगेडले एक गोल फर्कायो । अनिल राईको पास सदुपयोग गर्दै बर्तमान राईले ब्रिगेडको तर्फबाट शानत्वना गोल फर्काएका थिए ।