विश्व क्लब फुटबलका ५ उत्कृष्ट प्रशिक्षक

एजेन्सी- विश्व फुटबल जगतमा टोलीका खेलाडी भन्दा पनि महत्व र जिम्मेवारी एक प्रशिक्षकलाई हुन्छ । किनकी कुनै फुटबल टोली वा क्लबले रा्रो प्रदर्शन गर्न सकिरहेको छैन भने उसको सम्पुर्ण जिम्मेवारी प्रशिक्षकलाई जान्छ । 

यसको जल्दो बल्दो उदारण पछिल्लो समय विश्व चर्चित फुटबल लिगहरुमा देखिएको प्रशिक्षक अनुबन्धित र विस्तापित हो । पछिल्लो समय ला लिगा र प्रिमियर लिग क्लबहरुले लिगमा राम्रो प्रदर्शन नगरेको भन्दै प्रशिक्षकलाई बर्खास्त गरेको थियो । 

त्यस्तैले पनि पछिल्लो समय विश्व फुटबलमा राम्रो प्रशिक्षकको अभाव छ । केहि दिन अगाडि इंग्लिस क्लब म्यानचेस्टर युनाइटेडले आफ्ना मुख्य प्रशिक्षक जोसे माउरिन्होलाई क्लबबाट बर्खास्त गरेपछि विश्व फुटबमा तातो बहस चलेको छ । 

माउरिन्होलाई सन् २०१६ को अन्त्य तिर चेल्सीले पनि बर्खास्त गरेको थियो । विश्व फुटबलमा हाल भइरहेकै प्रशिक्षकहरु कुनै समय कुनै क्लबमा निकै सफल भएको उदाहरण समेत छ । विश्व फुटबलमा सफल भएका ५ प्रशिक्षक र क्लबहरु यस्ता छन् ।

१ पेप ग्वार्डिवाला (पुर्व बार्सिलोना)

हाल इंग्लिस क्लब म्यानचेस्टर सिटी सम्हालिरहेका प्रशिक्षक पेप कुनै समय स्पेनिस क्लब बार्सिलोनाका सबैभन्दा सफल प्रशिक्षकका रुपमा रहेका थिए । सन् २००८ बाट बार्सिलोना सम्हालेका उनले बार्सिलोनालाई च्याम्पियन्स लिग, ला लिगा र कोपा डेल रेमा ह्याट्रिक गराएका थिए । 

सन् २०१२ पश्चात जर्मन क्लब बार्यन म्युनिख सम्हालेका पेपको लागि म्युनिख बसाई खासै उपलब्धिमुलक बन्न सकेन । पछिल्लो समय इंग्लिस क्लब सिटी सम्हालिरहेका उनको लागि बार्सिलोना भन्दा सफल क्लब अरु बन्न सकेन ।


२ जिनेदान जिदान (पुर्व रियल म्याड्रिड)

फ्रान्सका पूर्व खेलाडी समेत रहेका जिनेदान जिदान स्पेनिस क्लब रियल म्याड्रिडका सबैभन्दा सफल प्रशिक्षक हुन् । उनले पनि रियललाई च्याम्पियन्स लिगमा ह्याट्रिक गराए । गत सिजन सम्म रियल सम्हालेका जिदानले क्लब छाडेसँगै रियलको अवस्था नाजुक बन्दै गएको छ । रोनाल्डो र जिदानले क्लब छाडेपश्चात रियलको लय निकै खराव अवस्थामा छ ।


३ लुइस एनरिक (पुर्व बार्सिलोना)

पेपले बार्सिलोना छाडेपश्चात बार्सिलोना क्लब सम्हालेका एनरिक पनि पछिल्लो समय सफल प्रशिक्षकको सूचिमा सूचिकृत भएका छन् । हाल उनले स्पेन राष्ट्रिय टोलीर्ला सम्हाली रहेका छन् । 

उनले बार्सिलोनामा रहँदा बार्सालाई कोपा डेल’रेमा ह्याट्रिक गराएका थिए । दुई पटक ला लिग तथा एक पटक सुपर कोपा स्पानिया, च्उाम्यिनस लिग, युइएफए सुपर कप र फिफा क्लब विश्वकप जिताएका थिए । 


४ जोसे माउरिन्हो (पोर्टो)

जोसे माउरिन्होले पोर्टो, इन्टर मिलान, रियल म्याड्रिड, चेल्सी र युनाइटेड जस्ता नामुद क्लबहरु सम्हालिसकेका छन् । तर, उनीका लागि पोर्टो जस्तो सफल अरु बन्न सकेन् । 

पोर्टोमा उनले प्रिमियर लिगा र च्याम्पियन्स लिग जस्ता उपाधि जिताएका थिए । त्यस्तै चेल्सीमा तीन पटक प्रिमियर लिग र फुटबल लिग कप जिताएका थिए । इन्टर मिलानमा रहँदा दुई पटक सिरी ए र एक पटक च्याम्पियनस लिग उपाधि जिताए । 

त्यस्तै रियलमा रहदा एक पटक ला लिगा, कोपा डेल’रे र सुपर कोपा डे स्पानिया जिताएका थिए । म्यानचेस्टर युनाइटेडमा इएफएल कप, एफए कमुनिटि सिलड र युरोपा लिग एक एक पटक जिताएका थिए ।


५ रोबर्टो डि मैटे (चेल्सी)

इंग्लिस क्लब चेल्सीमा छोटो समय बिताएका रोबर्टो डि मैट पनि निकै नै सबल प्रशिक्षकको सुचिमा पर्दछन् । उनले चेल्सीमा रहदा चेल्सीलाई एकै बर्षमा दुईवटा महत्वपूर्ण उपाधि जिताएका थिए । उनले चेल्सीलाई एफए कप र युईएफए च्याम्पियन्स लिगको उपाधि जिताएका थिए । उनी चेल्सीका पुर्व खेलाडी समेत हुन् ।