सिरी ‘ए’मा युभेन्टसको अपराजित यात्रा कायमै

एजेनसी- सिरी ‘ए’ फुटबलको शीर्ष स्थानमा रहेको युभेन्टसले लिगमा आफ्नो अपराजित यात्रा जारी नै राखेको छ । शनिबार राति भएको लिगको १७औं खेलमा रोमालाई पराजित गर्दै आफ्नो अपराजित यात्रा कायमै राखेको हो । 

आफ्नो घरेलु मैदान टुरिनमा निकै प्रतिस्पर्धात्मक बनेका खेलमा युभेन्टसले रोमा माथि १-० को संघर्षपूर्ण जित सनकालेको थियो । युभेन्ट्सलाई जित दिलाउन खेलको एक मात्र निर्णायक गोल मारियो मान्डुज्कीले गरे ।

उनले खेलको ३५ औं मिनेटमा गोल गर्दै घरेलु टोलीलाई सुरुवाती अग्रता दिलाएका थिए । उक्त खेलको एक मात्र गो पहिलो हाफमा सम्भव हुँदा थप गोल दोस्रो हाफमा हुन सकेन । 

थप गोल  नभएपछि खेल घरेलु टोलीले रोमामाथि १-० को जित निकाल्यो । यसजितसँगै युभेन्ट्सले १७ खेलबाट ४९ अंक बनाएको छ । जुन दोस्रो स्थानको नापोलीभन्दा ८ अंकले अघि हो भने तेस्रो स्थानमा रहेको इन्टर मिलान भन्दा १८ अंक बढी हो ।