बार्सिलोनाको जितमा मेस्सीको एक गोल 

एजेन्सी- स्पेनिस ला लिगा फुटबलमा बार्सिलोनाले सेल्टा डि भिगोलाई पराजित गर्दै लिगमा शीर्षस्थान मायमै राखेको छ । शनिबार राति घरेलु मैदानमा भएको खेलमा सेल्टालाई २-० ले पराजित गर्दै शीर्ष स्थान कायमै राखेको हो ।  

बार्सिलोनालाई जिता दिलाउन औसमाने डेम्वेले र कप्तान लियोनेल मेस्सीले समान एक एक गोल गरे । खेलका दुबै गोल पहिलो हाफमा नै सम्भव भएका थिए । बार्सिलोनाले पहिलो हाफको १०औं मिनेटमा नै सुरुवाती अग्रता लिएको थियो । बार्सिलोनालाई सुरुवाती अग्रता डेम्बेलेले दिलाए ।
 
त्यसपछि पहिलो हाफ सकिन १ मिनेट बाँकी रहँदा कप्तान मेस्सीले गोल गर्दै बार्सिलोनालाई पहिलो हाफमा २-० को अग्रता दिलाए । त्यसपछि दोस्रो हाफमा थप गोल नहुदा बार्सिलोना २-० को जित निकाल्न सफल भयो ।

जितपछि बार्सिलोनाको १७ खेलबाट ३७ अंक जोडेर लिगको शीर्षस्थानमा रहेको छ । एट्लेटिको मड्रिडको समान खेलबाटै ३४ अंक छ । पराजित सेल्टा डि भिगो २१ अंक जोडेर १०औं स्थानमा छ ।