पीएसजीको जितमा एमबाप्पेको निर्णायक गोल

एजेन्सी- फ्रेन्च लिग वान फुटबलमा पेरिस सेन्ट जर्मेन (पीएसजी)ले आफ्नो अपराजित यात्रा कायमै राखेको छ । घरेलु मैदानमा शनिबार राति भएको खेलमा नान्टेसलाई १-० ले पराजित गर्दै लिगमा आफ्नो अपराजित यात्रा कायमै राखेको हो । 

पीएसजीको जितका लागि खेलको एक मात्र निर्णायक गोल युवा स्टार खेलाडी केलियन एमबाप्पेले गरेका थिए । पहिलो हाफ गोल रहित बराबरीमा भएको खेलमा एक मात्र गोल दोस्रो हाफमा सम्भवब भएको थियो । 

एमबाप्पेले खेलको ६८ औं मिनेटमा गोल गर्दै घरेलु टोलीलाई १-० को महत्वपुर्ण जित दिलाए । उनले डि मारियाको पासमा गोल गरे । डि मारियाको पासलाई बक्सभित्रबाट उत्कृष्छ प्रहार गर्दै गोलमा परिणत गरेका थिए । 

खेलमा पीएसजीले नान्टेसविरुद्ध पकड जमाउँदै दवाव सिर्जना गरेपनि थप गोल गर्न भने सकेनन् । यसजिसँगै लिगमा अपराजित रहेको पीएसजीले १७ खेलबाट ४७ अंक जोडेको छ । 

पीएसजीले दोस्रो स्थानको लिलेसँग १३ अंकको अग्रता बनाएको छ । पराजित नान्टेस २० अंक जोडेर १४औं स्थानमा छ ।