भैरहवालाई पराजित गर्दै इपीएलको उपाधि ललितपुरलाई

काठमाडौं-तेस्रो संस्करणको एभरेष्ट प्रिमियर लिग (इपीएल) टी-२० क्रिकेटको उपाधि ललितपुर प्याट्रियट्सले उचालेका छ । त्रिवि क्रिकेट मैदानमा शनिबार भएको खेलमा भैरहवा ग्लाडीयटर्सलाई १४ रनले पराजित गर्दै इपीएलको उपाधि जितेको हो । यसजित सँगै ललितपुरले २५ लाख नगर पुरस्कार प्रप्त गरेको छ भने भैरहवाले १० खालमा चित्त बुझाएको छ । 

भैरहवाका लागि प्रदिप ऐरीले ३४ रन जोडे । उनले २२ बलमा ४ चौका र १ छक्का प्रहार गर्दै ३४ रन जोडे । अर्का ब्याट्सम्यान रबि इन्द्र सिंहले २९ रन जोडे । उनले ३२ बल खेल्दा समान एक चौका र छक्का प्रहार गरे । 

कप्तान शरद भेषवाकर र रायन टेनले १४–१४, आरिफ सेखले १२, मोहमद नाभिदले १० रन र कुसल मल्लले १६ रन जोड्न बाहेक अन्य ब्याट्सम्यानले दोहोरो अंक छुन सकेनन् । ललितपुरका लागि ललितनाराण राजवंशीले तीन, पवन सराफ र योगेन्द्र सिंह कार्कीले समान दुई विकेट लिए ।

यसअघि टस हारेर पहिला ब्याटिङको निम्तो पाएको ललितपुरले १९.१ ओभरमा सबै विकेट गुमाउर्दै १ सय ५५ रन जोडेको थियो । ललितपुरका लागि जय किासन कोल्सावालाले अर्धसतकिय पारी खेलेका थिए । उनले ५७ रनको अर्धसतकिए पारी खेलेका हुन् । उनले ५२ बलमा ३ चौका र ३ छक्का प्रहार गरेका थिए ।

राम्रो सुरुवात गरेको ललितपुरका लागि ओप्नर ब्याट्सम्यान जय किासन कोल्सावाला र गौरभ तोमारले पहिलो विकेटका लागि ४१ रनको साझेदारी गरेका थिए । गौरभ ५.१ ओभरमा टेन डोशेचको बलमा क्याच आउट भए । 

उनले १९ बलमा ३ चौका र १ छक्काको प्रहनर गर्दै २३ जोडेर मैदान बाहिरिए । त्यसपछि मैदान आएका कप्तान ज्ञानेन्द्र मल्ले दोस्रो विकेटका लागि १९ रनको साझेदारी गरे । उनले १० रन जोड्दा भैरहवाका कप्तान शरदले आउट गर्दै पेभिलियनको दिशातर्फ फर्काए । 

त्यसपछि मैदान आएका पवन सराफ ५ रनमा रन आउट भए । अर्का युवा ब्याट्सम्यान सन्दिाप जोराले ११ बलमा बिस्फोटक ब्याटिङ गर्दै १ चौका र २ छक्काको मद्दतमा २४ रन जोडे । कुसल भुर्तेलले ११ रन जोड्दा अन्य ब्याट्सम्यानले भने दोहोरो अंक जोड्न सकेनन् । 

भैरहवाका लागि कृष्ण कार्कीले तीन विकट लिए । त्यस्तै मोहमद नाभिद र रायन टेन डोशेचले दुई विकेट लिँदा, शरर भेषवाकर र भुवन कार्कीले समान एक एक विकेट लिए ।