ललितपुरले दियो भैरहवालाई १५६ रनको लक्ष्य

काठमाडौं-जय किासन कोल्सावालाको अर्धसतकिय पारीको मद्दतले एभरेष्ट प्रिमियर लिग (इपीएल) टी–२० क्रिकेटमा ललितपुर प्याट्रियट्सले भैरहवा ग्लाडीयटर्सलाई जितका लागि १ सय ५६ रनको लक्ष्य सुम्पेको छ । 

त्रिवि क्रिकेट मैदानमा इपिएलको उपाधिका लागि भइरहेको भिड्न्तमा ललितपुरका केल्सावालाले ५७ रनको अर्धसतकिए पारी खेलेका हुन् । उनले ५२ बलमा ३ चौका र ३ छक्का प्रहार गर्दै ५७ रन जोडे । टस हारेर पहिला ब्याटिङको निम्तो पाएको ललितपुरले १९.१ ओभरमा सबै विकेट गुमाउर्दै १ सय ५५ रन जोडेको हो । 

ज्ञानेन्द्र मल्लको कप्तानीमा रहेको ललितपुरले राम्रो सुरुवात गरेका थियो । ओप्नर बयाटिङ गर्न आएका जय किासन कोल्सावाला र गौरभ तोमारले पहिलो विकेटका लागि ४१ रनको साझेदारी गरेका थिए । 

गौरभ ५.१ ओभरमा टेन डोशेचको बलमा क्याच आउट भए । उनले १९ बलमा ३ चौका र १ छक्काको प्रहनर गर्दै २३ जोडेर मैदान बाहिरिए । त्यसपछि मैदान आएका कप्तान ज्ञानेन्द्र मल्ले दोस्रो विकेटका लागि १९ रनको साझेदारी गरे । 

उनले १० रन जोड्दा भैरहवाका कप्तान शरदले आउट गर्दै पेभिलियनको दिशातर्फ फर्काए । त्यसपछि मैदान आएका पवन सराफ ५ रनमा रन आउट भए । अर्का युवा ब्याट्सम्यान सन्दिाप जोराले ११ बलमा बिस्फोटक ब्याटिङ गर्दै १ चौका र २ छक्काको मद्दतमा २४ रन जोडे । 

कुसल भुर्तेलले ११ रन जोड्दा अन्य ब्याट्सम्यानले भने दोहोरो अंक जोड्न सकेनन् । भैरहवाका लागि कृष्ण कार्कीले तीन विकट लिए । त्यस्तै मोहमद नाभिद र रायन टेन डोशेचले दुई विकेट लिँदा, शरर भेषवाकर र भुवन कार्कीले समान एक एक विकेट लिए । भैरहवाले केहि बेरमा जवाफी ब्याटिङ गर्ने छ ।