‘ए’ डिभिजन लिग : थ्री स्टारलाई च्यासलको चुनौती

काठमाडौं- सहीद स्मारक ‘ए’ डिभिजन लिग फुटबलमा शनिबार २ वटा खेल हुँदैछ । एपीएफको मैदान हलचोकमा हुने खेलमा पहिलो खेल विहान ११ बजे र दोस्रो खेल दिउँसो २:३० बजे सुरु हुने छ । 

पहिलो खेलमा थ्री स्टार र च्यासल भिड्दै छन् । जारी प्रतियोगितामा थ्री स्टार ९ खेलमध्य ७ खेलमा जित र एक खेलमा बरबारी तथा एक खेलमा पराजित हुँदै २२ अंक जोडेको छ ।
तेस्रो स्थानमा रहेको थ्री स्टारभन्दा शीर्ष स्थानको मनाङको ५ अंक बढी भएकाले आजको खेलमा थ्री स्टार विजयी भए उपाधि होडमा आफूलाई पनि उभ्उने छ ।

नवौ चरणको खेलमा आर्मीसँग अन्तिम समयमा धैर्यता गुमाउँदा जितिसकेको गेम पनि बराबरी गर्दै अंक बाँड्न पुगेकाले आजको खेलमा जित्नै पर्ने बाध्यता रहेको छ । च्यासलले पनि जारी प्रतियोगितामा चार खेलमा जित र एक खेलमा बराबरी गर्दै १३ अंक जोडेको छ ।

आजै दिउँसो दोस्रो खेलमा संकटा र ब्रिगेड ब्वाईज भिड्ने छन् । संकटाले अहिलेसम्म ९ मध्य ८ खेल जित्दै २४ अंकका साथ दोस्रो स्थानमा राख्दा ब्रिगेडले जारी लिगमा एउटा मात्रै जितको स्वाद चाखेको छ । 

आजको खेलमा संकटा विजयी भए शीर्ष स्थानको मनाङसँग अंक बराबरी गर्ने छ । अंक बराबरी गरे पनि संकटा गोल अन्तरका आधारमा दोस्रो स्थानमा रहँदा च्यास ब्रिगेड विजयीहुँदा पुछारबाट तेस्रो स्थानमा उक्लिने छ ।