सलाहको उत्कृष्ट प्रदर्शनले लिभरपुलको शीर्षस्थान कायमै

एजेन्सी- मोहम्मद सलाहको उत्कृष्ट प्रदर्शनसँगै इंग्लिस प्रिमियर लिग फुटबलमा लिभरपुलले चार अंकको अग्रता बनाएको छ । शुक्रबार राति भएको खेलमा वल्भ्सलाई २-० ले पराजित गरेपछि लिभरपुलले दोस्रो स्थानाको म्यानचेस्टर सिटीसँग ४ अंकको अग्रता बनाएको हो । 

वल्भ्सको मैदानमा भएको खेलमा लिभरपुलको जितका लागि मोहम्मद सलाह र भर्जिल भान डिजिकले समन एक एक गोल गरे । पहिला हाफमा १-० को अग्रता लिएको खेलमा थप १ गोल दोस्रो हाफमा भएको थियो । 

लिभरपुलले खेलको १८ औं मिनेटमा सलाहले गोल गर्दै सुरुवाती अग्रता दिए । उनले फाविन्होको पासमा गोल गर्दै लिभरपुललाई अग्रता दिलाएका थिए । जारी सिजन सलाहको यो १४औं गोल हो ।

दोहाफको गोलका लागि सलहाले साप मिलाएका थिए । ६८औं मिनेटमा सलाहकै पासमा भर्जिल भान डिजिकले गोल गर्दै लिभरपुललाई २-० को जित दिलाए । 

लिगमा अपराजित रहेको लिभरपुलको १८ खेलबाट ४८ अंक पुगेको छ । एक खेल कम खेलेको सिटीको ४४ अंक छ । सिटीले लिगमा एक खेलमा हार बेहोरेको छ ।