फिफा वरियतामा नेपालको एक स्थान सुधार

काठमाडौं- विश्व फुटबलको सर्वोच्च निकाय फिफाले बिहिबार सार्वजनीक गरेको नयाँ विश्व वरियतामा नेपाल एक स्थान माथि उक्लिएको छ । फिफाले सार्वजनीक गरेको वरियतामा नेपाल एक स्थान माथि चढ्दै १ सय ६१ औं स्थानमा पुगेको हो ।

दक्षिण एसियाली राष्ट्रमा माल्दिभ्स १ सय ५२ औ र भारत ९७ औ स्थानमा यथावत छ । विश्व वरियतामा नेपाल भन्दा तल रहेका देशहरुमा भुटान १ सय ८६ औ स्थानमा रहँदा बंगलादेश १ सय ९२ औं स्थानमा, छ । 

त्यस्तै पाकिस्तान १ सय ९९ औं स्थानमा र श्रीलंका २ सय १ औं स्थानमा छ । नयाँ विश्व वरियतामा बेल्जियम शीर्ष स्थानमा छ । त्यस्तै रुस विश्वकप २०१८ को विजेता राष्ट्र फ्रान्स भने दोस्रो स्थानमा रहेको ।

पाँच पटकको विश्वकप विजेता राष्ट्र ब्राजिल तेस्रो स्थानमा रहाँदा रुस विश्वकप २०१८ को उपविजेता राष्ट्रय क्रोएसिया चौथो स्थानमा छ । त्यस्तै इंल्याण्ड पाँचौ स्थानमा रहँदा पोर्चुगल छैटौ, उरुग्वे सातौ, स्विटजरल्याण्ड आठौ, स्पेन नवौ र डेनमार्क दशौ स्थानमा रहेका छन् ।