आइपीएल अक्सन : करोडमा बिकेका १६ बर्षीय युवा

एजेन्सी- विश्व चर्चित इन्डियन प्रिमियर लिग (आइपीएल) टी-२० क्रिकेटको अक्सनमा १६ बर्षीय भारतीय खेलाडी करोडमा बिक्री भएका छन् । 

सन् २०१९ मा हुने १२ संस्करणको पाइपीएलका लागि उनी करोडमा विकेका हुन् । मंगलबार जयपुरमा सम्पन्न अक्सनमा भारतीय प्रयास राय बर्मनलाई विराट कोहली कप्तान रहेको टिम रोयल च्यालेन्चर बेंग्लोरमा अनुबन्ध भएका हुन् । 

उनललाई बेंग्लोरले १ करोड ५० लाखमा भारतीय रुपैँयामा किनेको हो । उनको वेस प्राइस मात्र २० लाख राखेको थियो । आईपीएलमा सबै भन्दा कम उमेरमा करोडमा बिक्ने राय पहिलो खेलाडी समेत बनेका छन् । 

राय स्पिनर अलराण्डर हुन् । कुल ३ सय ४६ खेलाडी मध्यबाट पहिलो दिन बिकेका  ४० भारतीयमा उनी पनि एक हुन् । सोहि दिन २० विदेशी खेलाडी गरि कुल ६० खेलाडीमाथि बोली लागेको थियो ।