सुदूरपश्चिम खप्तड गोल्डकप पुस २४ बाट

धनगढी- तेस्रो संस्करणको अन्तर्राष्ट्रिय आमन्त्रित सुदूरपश्चिम खप्तड गोल्डकप फुटबल प्रतियोगिता यसै महिना आयोजना हुने भएको छ । 

सुदूरपश्चिम ११ स्पोर्टस् क्लबको आयोजना प्रतियोगिता पुस २४ देखि माघ ५ गते सम्म सञ्चालन हुने सुदूरपश्चिम ११ का अध्यक्ष सुरेश हमालले बिहीबार पत्रकार सम्मेलनको आनयोजना गर्दै जानकारी दिए । 

कुल १ करोड ४० लाख रुपैयाँ खर्च हुने प्रतियोगिताका खेलहरु नकआउटका आधारमा धनगढी रंगशालामा आयोजना गरिने छन् । सुदूरपश्चिम प्रदेशको पहिचान फुटबल विकासको अभियान भन्ने मुल नाराका साथ आयोजना हुने प्रतियोगितामा ए डिभिजन क्लब, विदेशी क्लब र आयोजक टोलीको सहभागिता रहने बताइएको छ । 

प्रतियोगिताको विजेताले २१ लाख १ तथा दोस्रो हुने टोलीले १० हजार १ रुपैयाँ प्राप्त गर्नेछन् । सर्वोत्कृष्ट खेलाडीले मोटरसाइकल तथा प्रतियोगिताको विधागत उत्कृष्ट खेलाडीले समान १५ हजार रुपैयाँ पाउनेछन् । हरेक खेलको म्यान अफ दी म्याच १० हजार रुपैयाँ प्राप्त गर्नेछन् ।