काठमाडौंलाई पराजित गर्दै भैरहवा इपीएलको फाइनलमा 

काठमाडौं- एभरेष्ट प्रिमियर लिग (इपीएल) टी-२० क्रिकेटमा बिहिबार सम्पन्न दोस्रो क्वालिफायरमा  काठमाडौं किङस इलाभेनलाई पराजित गर्दै भैरहवा ग्लाडीयटर्स इपीएलको फाइनलमा प्रवेश गरेको छ । 

त्रिवि क्रिकेट मैदानमा भएको खेलमा काठमाडौंलाई ६ विकेटले पराजित गर्दै भैरहवाले फइनलमा स्थान पक्का गरेको हो । यस जितसँगै भैरहवाले शनिबार हुने फाइनल खेलमा ललितपुर प्याट्रियट्ससँको भेट पक्का गरेको छ । 

काठमाठडौंले दिएको १ सय १ रनको सामान्य लक्ष्य पछ्याएको भैरहवाले १७ ओभरमा मात्र ४ विकेट गुमाउँदै उक्त लक्ष्य भेट्टाएको हो । भैरहवाको जितका लागि रायन टेन डोशेचले सर्वाधिक ४५ रन जोडे । उनले ३८ बल खेलदै पाँच चौका प्रहार गरेका थिए । त्यस्तै रबि इन्द्र सिंहले ३१ रन जोडे ।

उनले १९ बलमा तीन चौका र एक छक्का प्रहार गरे । कप्तान शरद भेषवाकर ६ रनमा अविजित रहँदा रोहित कुमार पौडेल ९ रनमा अविजित रहे । काठमाडौंका लागि सम्साद सेखले २ तथा प्रदिप साहुले १ विकेट लिए ।

यसअघि टस हारेर ब्याटिङको निम्तो पाएको काठमाडौंले निर्धारित २० ओभरमा सबै विकेट गुमाउँदै १ सय रन जोडेको थियो । काठमाडौंका लागि सन्दिप रजालीले २७ रन जोडे । उनले २६ बल खेल्दै एक चौका र एक छक्काको मद्दतमा २७ रन जोडेका हुन् । 

प्रदिप साहुले २५ रन जोडे । उनले २२ लमा ३ चौका प्रहार गरेका थिए । त्यस्तै अमित श्रेष्ठले १३ रन जोड्न बाहेका अन्य ब्याट्सम्यानले दोहोर अंकको रन छुन सकेनन् । 

काठमाडौंलाई सस्तैमा समेट्न भैरहवाका लागि कुसल मल्लले सर्वाधिक ३ विकेट लिए । उनले ३ ओभरमा १० रन खर्चेर ३ विकेट लिएका थिए । कप्तान शरद भेषवाकर, रायन टेन डोशेच, मोहमद नाभिद र अभिनास बोहराले समान एक विकेट लिएका थिए ।