काठमाडौंले भैरहवालाई दियो १०१ रनको सामान्य लक्ष्य

काठमाडौं- एभरेष्ट प्रिमियर लिग (इपीएल) टी-२० क्रिकेटमा बिहिबार जारी दोस्रो क्वालिफायर खेलमा  काठमाडौं किङस इलाभेनले भैरहवा ग्लाडीयटर्सलाई जितका लागि १ सय १ रनको सामान्य लक्ष्य सुम्पेको छ ।

टस हारेर ब्याटिङको निम्तो पाएको काठमाडौंले निर्धारित २० ओभरमा सबै विकेट गुमाउँदै १ सय रन जोडेको थियो । काठमाडौंका लागि सन्दिप रजालीले २७ रन जोडे । 

उनले २६ बल खेल्दै एक चौका र एक छक्काको मद्दतमा २७ रन जोडको हुन् । प्रदिप साहुले २५ रन जोडे । उनले २२ लमा ३ चौका प्रहार गरेका थिए । त्यस्तै अमित श्रेष्ठले १३ ले न् जोड्न बाहेका अन्य ब्याट्सम्यानले दोहोर अंकको रन छुन सकेनन् । 

काठमाडौंलाई सस्तैमा समेट्न भैरहवाका लागि कुसल मल्लले सर्वाधिक ३ विकेट लिए । उनले ३ ओभरमा १० रन खर्चेर ३ विकेट लिएका थिए । कप्तान शरद भेषवाकर, रायन टेन डोशेच, मोहमद नाभिद र अभिनास बोहराले समान एक विकेट लिए । 

आजोको विजेता टोली इपिएलको फाइनल प्रवेश गर्ने छ । आजको विजेता टोलीले शनिबार हुने फाइनल खेलमा ललितपुर प्याट्रियट्ससँको भिड्ने छ । पहिलो क्वालिफायरमा जित निकाल्दै ललितपुर भने फाइनलमा पुगिसकेको छ ।