भैरहवालाई जितकालागि १४० रनको लक्ष्य

काठमाडौं- एभरेष्ट प्रिमियर लिग (इपीएल) टी-२० क्रिकेट अन्तर्गत बुधबारको जारी इलिमिनेटर खेलमा चितवन टाइगर्सले भैरहवा ग्लाडियटर्सलाई जितका लागि १ सय ४० रनको लक्ष्य सुम्पेको छ । 

त्रिवि क्रिकेट मैदानमा टस हारेर पअिहलो ब्याटिङको निम्तो पाएको चितवनले निर्धारित २० ओभरमा ८ विकेट गुमाउदै १ सय ३९ रन जोडेको हो । चितवनका लागि दिपेन्द्र सिंह ऐरीले अर्धसतकिय पारी खेले पछि चितवनले मध्यम रनको लक्ष्य सम्पेका हो । 

ऐरीले ४५ बल खेल्दै ५६ रनको अर्धसतकिय पारी खेलेका हुन् । उनले ४५ बलमा ६ चौका र एक छक्का प्रहार गरे । तर, अन्य ब्याट्सम्यानले भने राम्रो खेल्लन सकेनन् ।

पउल स्ट्रलिङ, जोन सिम्पसनले समान १४-१४ रन जोड्दा कमल सिंह ऐरीले १३ रन जोडेका थिए । अन्य ब्याट्सम्यानले भने दोहोरो अंकको रन छुन सकेनन् । 
यता भैरहवाका लागि मोहमद नाभीले ३ विकेट लिए । 

उनले ४ ओभरमा २४ रन खर्चदै तीजन विकेट लिएका हुन् । त्यस्तै अभिनास बोहराले दुई विकेट लिँदा भुवन कार्की, कृष्ण कार्की र रायन टेन डोशेटले समान एक-एक विकेट लिए । भैरहवाले केही बेरमा अवाफी ब्याटिङ गर्ने छ ।