युरोपका जारी शीर्ष ५ लिगका सर्वाधिक गोलकर्ता को-को ?

एजेन्सी- युरोपका जारी शीर्ष पाँच लिगमा हाल सम्मका खेल सकिदा सर्वाधिक गोल गर्ने खेलाडी सार्वजनिक भएका छन् । जारी युरोपका पाँच लिगमा सर्वाधिक गोल कर्ता र गोलका लागि असिस्ट गर्ने खेलाडीको सुचि सार्वजनिक भएको छ । 

यसै सन्दर्भमा स्पेनिस क्लब बार्सिलोनाका सुपरस्टार लियोनल मेस्सी जारी सिजनका हाल सम्मका सम्पन्न खेलहरुमा युरोपका शीर्ष पाँच लिगमा सर्वाधिक गोलकर्ता बनेका छन् । 

उनै सर्वाधिक असिस्टकर्ता समेत बनेका छन् । जारी सिजनको मध्यभागतिर पुग्दै गर्दा मेस्सी स्पेनिस ला लिगाको पिचिची अवार्ड र युरोपियन क्षेत्रको गोल्डेन बुटको समेत दाबेदार बनेका छन् ।

ला लिगामा मेस्सीले लिगका १६ खेल सकिँदा कूल १४ गोल गरिसकेका छन् । युरोपका शीर्ष लिगमा १० भन्दा बढी गोल गर्ने खेलाडीहरुमा मेस्सी १४ गोल सहित पहिलो नम्बरमा पर्दा जेओनाका पाइटके १२ गोल सहित दोस्रो स्थानमा छन् । 

त्यस्तै १२ गोल सहित लिलेका निकोलास पेप, पिएसजीका केलियन एमबाप्पे र लान्टेसका इमिलियानो साला तेस्रो स्थानमा छन् । ११ गोल सहित युभेन्ट्सका क्रिस्टियानो रोनाल्डो चौथो स्थानमा रहेका छन् । 

उनीसँगै समान ११ गोल गरेर बोरुसिया डर्टमुन्डका पाको अल्कासेर, पिएसजीका नेइमार, मार्सेइलीका फ्लोरिना थुभिन, बार्सिलोनाका लुइस स्वारेज र  जिरोनाका क्रिस्यिन स्टुआनी रहेका छन् । 

१० गोल गर्ने खेलाडीमा बोरुसिया डर्टमुन्डका मार्को रेउस, बार्यन म्युनिखका रोवर्ट लेवान्डोस्की, फ्रान्कफुर्टका लुका जोभिक, लेइपजिगका टिमो वार्नर, पिएसजीका इडिसन काभानी, लिभरपुलका मोहमद सालाह, आर्सनलका अउबामेयाङ, सेल्टा भिगोका इगायो आसपास र लाजियोका सिरो इम्बोइल पाँचौ स्थानमा रहेका छन् । 

त्यस्तै असिस्ट गर्ने खेलाठडीमा पनि मेस्सी नै अगाडि सबै भन्दा अगाडी रहेका छन् । ला लिगाको जारी लिगमा १० असिस्ट गरेका छन् । त्यस्तै प्रिमियर लिगमा ९ असिस्ट गरेका चेलसीका इडेन हाजार्ड दोस्रो स्थानमा छन् । 

सिरी ए मा एसी मिलानका सुसोले ८ असिस्ट गर्दै तेस्रौ स्थानमा रहँदा बुन्डेसलिगामा फ्रान्कफुटका सेब्सटिएन हलरले ८ असिस्ट गर्दै चौथो स्थानमा छन् । लिग वानमा ७ असिस्ट गरेका लियोनका मेमफिस डेपे पाँचौ स्थानमा छन् । 

तर, जारी लिगको अन्त्य सम्म कस्ले कति गोल र असिस्ट गर्ने छन् त्यो भने लिगको फाइनल खेल पछि मात्र थाहा हुनेछ ।