च्यासल पराजित, मनाङ शीर्षस्थानमै

काठमाडौं- सहिद स्मारक ‘ए’ डिभिजन लिग अन्तर्गत मंगलबार भएको खेलमा च्यासल युवा क्लबलाई पराजित गर्दै मनाङ मस्र्याङदी क्लबले शीर्षस्थान कायमै राखेको छ । 

सातदोबाटोस्थित एन्फा कम्प्लेक्समा भएको खेलमा मनाङले च्यासललाई ३-० ले पराजत गर्दै लिगको शीर्षस्थान कायमै राखेको हो । यस जितसँगै मनाङ जारी लिगमा अपराजित एक्लो टोली । 

लिगका ९औं खेल खेलि सक्दा सम्म मनाङले शतप्रतिशत जित निकालेको छ । मनाङले च्यासलविरुद्ध पहिलो हाफमा अग्रता लिएको थियो भने दोस्रो हाफमा थप दुई गोल गरेको थियो । 

खेलको १६ औं मिनेटमा विदेशी खेलाडी अडेलेजा सोमिदेले गोल गर्दै मनाङलाई सुरुवाती अग्रता दिलाएका थिए । पहिलो हाफमा १-० को अग्रता लिएको मनाङका लागि दोस्रो हाफमा अफिज ओलावाले र किमल रानाले गोल गर्दै मनाको अग्रता तेब्बर पारे । 

ओलावालेले ७० औं मिनेटमा गोल गरेको थिए भने बिमलले ८८ औं मिनेटमा गोल गरेका हन् । तर, खेल सकिन १ मिनेट बाँकी रहँदा च्यासलले पेनाल्टीमा एक गोल फर्काए । च्यासलका लागि देवेन्द्र तामाङले गोल गरेका थिए ।

यसजितसँगै मनाङले शीर्षस्थानमा ३ अंकको अग्रता बनाएको छ । मनाङको ९ खेलबाट २७ अंक पुगेको छ भने दोस्रोस्थानमा रहेको संकटाको २४ अंक छ ।