भैरहवाले दियो ललितपुरलाई ९३ रनको सामान्य लक्ष्य

काठमाडौं- एभरेष्ट प्रिमियर लिग (इपीएल) टी-२० क्रिकेट अन्तर्गत आइतबारको जारी खेलमा भैरहवा ग्लाडीयटर्सले ललितपुर प्याट्रीयट्सलाई जितका लागि ९३ रनको समान्य लक्ष्य दिएको छ ।  

त्रिवि क्रिकेट मैदानमा टस हारेर पहिले ब्याटिङ गर्ने निम्तो पाएको भैरहवाले १९ ओभरमा सबै विकेट गुमाउदै मात्र ९२ रन जोडेको हो । भैरहवाका लागि रायन टेन डोशेचले सर्वाधिक ३७ रन जोडे । 

उनले ३६ बल खेल्दै तीन चौका र एक छक्का प्रहार गर्दै ३७ रन जोडे । अर्का रबि इन्द्र सिंहले २५ रन जोडे । उनले १५ बल खेल्दै तीन चौका र दुई प्रहार गरे । अन्य ब्याट्सम्यानले भने दोहोरो अंकको रन छुन सकेनन् । 

ललितपुरका लागि सन्नी पटेलले ४ ओर गर्दै मात्र १२ रन खर्चेर सर्वाधिक ५ विकेट लिए । त्यस्तै रसिद खानले र योगेन्द्र कार्कीले समान दुई दुई विकेट लिदा ललित रानवंशीले एक विबकेट लिए । यो खेल विजेता टोली क्वालिफायरमा प्रवेश गर्ने छ ।