क्वालिफायरका लागि काठमाडौं र भैरहवा भिड्दै

काठमाडौं-  एभरेष्ट प्रिमियर लिग (इपीएल) टी-२० क्रिकेट अन्तर्गत आइतबारको एक मात्र खेलमा शीर्ष स्थानको ललितपुर प्याट्रीयट्स र दोस्रो स्थानको भैरहवा ग्लाडीयटर्सबीच प्रतिस्पर्धा हुनेछ । दुई टोलीबीचको खेल त्रिवि क्रिकेट मैदानमा दिउँसो १ बजे हुनेछ । 

ज्ञानेन्द्र मल्लको कप्तानीमा रहेको ललितपुर र शरद भेषावकरको कप्तानीमा रहेको भैरहवा दुबैको लक्ष्य क्वालिफायरमा पुग्नु हुनेछ । इपीएलको नियम अनुसार शीर्ष दुई टोलीले क्वालिफायर खेल्नेछ । 

क्वालिफायरमा विजेता हुने टोली सिधै फाइनलमा पुग्नेछ । पराजित टोलीले फाइनल प्रवेशको लागि इलिमिनेटर खेल्नु पर्ने हुन्छ । त्यसैले यस खेलमा जित हात पार्ने एक टोलीको शीर्ष दुई पक्का हुनेछ । 

पहिलो खेलमा विराटनगरसँग पराजित ललितपुरले त्यसपछिका तीन खेलमा लगातार जित हात पार्दै प्ले अफमा पुगेको हो ।  ललितपुरको ४ खेलबाट ६ अंक छ ।

सुरुवाती तीन खेलमा जित निकालेको भैरहवा शनिबार काठमाडौं किङ्स इलाभेनसँग पराजित भएको थियो । साविकको उपविजेता समेत रहेको भैरहवाको पनि ४ खेलबाट ६ अंक रहेको छ ।