चितवनको प्ले अफ पुग्ने संभावना कायमै, पोखरा ७ विकेट पराजीत

काठमाडौं- एभरेष्ट प्रिमियर लिग (इपीएल) टी-२० क्रिकेटमा चितवन टाइगर्सले दोस्रो जित निकालेको छ । त्रिवि क्रिकेट मैदानमा शनिबार भएको खेलमा पोखरा राइनोजलाई ७ विकेटले पराजित गर्दै चितवनले लिगमा दोस्रो जित निकालेको हो ।

जितका लागि १ सय ३० रनको लक्ष्य पछ्याएको चितवनले निर्धारित ओभरमा विकेट गुमाउदै लक्ष्य भेट्टाएको हो । चितवनका लागि पउल स्ट्रलिङले अर्धसतकिय पारी खेले । 

उनले ४६ बलमा पाँच चौका र दुई छक्का प्रहार गर्दै ५५ रनको अर्धसतकिय पारी खेलेका हुन् । त्यस्तै दिपेन्द्र सिंह ऐरीले अविजित ५४ रनको पारी खेले । उनले पनि ४६ बलमा पाँच चौका र दुई छक्का प्रहार गर्दै ५४ रनको अर्धसतकिय अविजित पारी खेलेका हुन् । 

सन्पि सुनुवारले १०, जोन सिम्पसनले ९ र जोर्ज स्कटले ३ रन जोडे । पोखराका लागि नन्द यादवले दुई तथा सुसान्त भारीले १ विकेट लिए । 

यसअघि टस हारेर पहिले ब्याटिङ गरेको पोखराले पुरै २० ओभर खेल्दै ५ विकेट गुमाएर १ सय २९ रन बनाउनएको थियो । पोखराका लागि सुनील धमलाले ५१ रनको अर्धशतकीय पारी खेले । 

यस्तै विनोद भण्डारी २७ जोड्दा कप्तान कायल कोएट्जरले २३ रन जोडे । राजेश पुलामी मगर १२ रनमा आउट भए । चितवनका जर्ज स्कटले ३ तथा ललित सिंह भण्डारीले २ विकेट लिए । 

यस जितसँगै चितवनको प्ले अफको सम्भावना झन बलियो बनेको छ । चितवनले ५ खेलबाट ४ अंक जोडेको छ । प्ले अफका लागि चितवनले अब विराटनगर वारियर्स र काठमाडौं किङ्गबीचको नतिजासम्म रोक्नु पर्ने छ । यसै खेलबाट नेपाली राष्ट्रिय टोलीका पुर्व सदस्य शक्ति गौचनले सन्यास  लिएका छन् ।